25-мамыр күні туризм бөлімі «Парктер шеруі – 2023» экологиялық акциясының «Экокәдесый жасау» байқауының жеңімпаздары Б.Момышұлы атындағы орта мектептің оқушыларын «Әлет» туристік маршрутына экскурсияға шығарды.
Экскурсия - бұл сөз әрбіріміздің туристік саяхатымыз, жаңа жерлермен танысуымыз, эмоционалды көңіл күйіміз жайлы ойлармен байланысты, яғни туризмнің өзегі.
Экскурсиямыздың мақсаты - мұндағы тіршілік ететін өсімдіктер мен жануарлар дүниесімен экскурсанттарды таныстыру, мектеп оқушыларын бала жастан туризмге тарту, азаматтық сезімге, туристік мәдениетке тәрбиелеуге мүмкіндік беру.
Экскурсия нәтижесінде балалар қызығушылық танытып, сұрақтарын қойып, уақыттарын тиімді пайдалана білді. Олардың ой-өрістері кеңейіп қана қоймай, білуге деген құштарлықтары, белсенділігі, төзімділігі, жанашырлық достық қарым-қатынастары нығайта түсті деп ойлаймыз.
ЭАРТ бөлімі.
