Жаңалықтар

info 11.03.24

Толығырақ: Жарияланды 17 Қараша 2025

Түлкілер — ақылды әрі белсенді жануарлар. Қарда аунау олардың ойындық немесе әлеуметтік мінез-құлқының көрінісі болуы мүмкін. Жас түлкілер мұндай әрекетті жиі байқатады. Қалың жүн табиғи жылу сақтайды, бірақ ұзақ қозғалыстан кейін қызу артуы мүмкін. Қарда аунау түлкіге дене температурасын тез төмендетіп, өзін жайлы сезінуге мүмкіндік береді.

Ғылым, ақпарат және экологиялық мониторинг бөлімі

Толығырақ: Жарияланды 13 Қараша 2025

Қазақстан Республикасы Экология және табиғи ресурстар министрлігі Орман шаруашылығы және жануарлар дүниесі комитетінің 2025 жылғы 5 қарашадағы №27-03/291-НҚ бұйрығына сәйкес, мемлекеттік орман қоры аумағында 2025 жылдың өрт қаупі бар маусымы, «Тарбағатай» мемлекеттік ұлттық табиғи паркінің аумағында, ресми түрде аяқталды.

Биылғы жылы өрт қаупі кезеңі сәуір айының екінші жартысынан қараша айының басына дейін созылды. Осы уақыт аралығында парк аумағында табиғи және антропогендік сипаттағы өрттердің алдын алу және болдырмау бағытында кешенді іс-шаралар атқарылды.

Өрттің алдын алу мақсатында парк инспекторлары тұрақты түрде патрульдік жұмыстар жүргізіп, тұрғындар мен демалушылар арасында түсіндіру және үгіт-насихат жұмыстары ұйымдастырылды. Сонымен қатар, жергілікті әкімдіктермен, төтенше жағдайлар және өртке қарсы қызмет бөлімдерімен бірлесе отырып, өрт сөндіру оқу-жаттығулары өткізілді.

Алайда 2025 жылғы 28 шілде күні Қарабұйрат орманшылығының 16-орам, 12-телімінде өрт оқиғасы тіркелді. Өрт орманмен көмкерілмеген аумақта шығып, шамамен 1,5 гектар жерді шарпыды. Өрт туралы ақпарат түскен бойда парк инспекторлары мен төтенше жағдайлар бөлімінің мамандары шұғыл түрде оқиға орнына жетіп, өрт дер кезінде сөндірілді. Оқиға салдарынан орман ағаштарына залал келтірілген жоқ.

Жалпы алғанда, өрт қаупі жоғары маусым барысында парк аумағында ірі орман өрттеріне жол берілген жоқ. Бұл — парк инспекторларының үйлесімді еңбегі мен өрт қауіпсіздігі ережелерін сақтау бағытындағы жүйелі жұмыстың нәтижесі.

«Тарбағатай» мемлекеттік ұлттық табиғи паркі республикалық мемлекеттік мекемесі алдағы жылы да өрт қауіпсіздігі шараларын күшейтіп, табиғатты қорғау бағытындағы жұмыстарды жүйелі түрде жалғастыруды жоспарлап отыр.

Орындаған: Үржар орманшылығының басшысы Шәріпқанов Қуандық Серікұлы.

Толығырақ: Жарияланды 11 Қараша 2025

«Тарбағатай» мемлекеттік ұлттық табиғи паркінің Үштөбе мастерлік учаскесінің мемлекеттік инспекторлары Қарауыл бастығы, азаматтық қорғау аға лейтенанты Н.М. Бидахметовпен және Самар АПБ ҚҚБ учаскелік полиция инспекторы, полиция аға лейтенанты О.К. Токушевпен бірлескен рейдтік іс-шара өткізді.
Рейд барысында инспекторлар көршілес орналасқан шаруа қожалықтарын аралап, тұрғындарға және шаруашылық иелеріне өрт қауіпі жоғары кезеңде өрт қауіпсіздігі ережелерін сақтау, табиғатта ашық от жақпау, қоқысты өртеуге тыйым салу жөнінде түсіндірме және үгіт-насихат жұмыстарын жүргізді.
Сонымен қатар, табиғи экожүйені қорғау мақсатында ұлттық парк аумағындағы бұлақ көздерін тастар мен қоқыстардан тазалау жұмыстары ұйымдастырылды. Бұл шаралар табиғи су көздерінің ашық қалпын сақтауға және жануарлар мен құстардың суаттарын қорғауға бағытталды.
🌿 Іс-шараның негізгі мақсаты – табиғатты қорғау мәдениетін арттыру, орман және дала өрттерінің алдын алу, сондай-ақ экологиялық қауіпсіздікті қамтамасыз ету.

Орман шебері: А.С. Өтешов.

Толығырақ: Жарияланды 10 Қараша 2025

Ұлттық парк аумағында алғашқы қар түскеннен кейін шілдер жиі көріне бастады.

Қыс мезгілінде шілдердің қорегі азаяды, сондықтан олар елді мекендерге, сабан мен топан үйінділеріне қарай ұшады, сондай-ақ қар мен егіс алқаптарында шұңқыр қазып, күздік дақылдардың өскіндерін іздейді.

Бұл құстар көбіне 20-ға дейінгі дарақтан немесе бірнеше үйірден тұратын топпен жүреді және түнде топтасып түнейді. Көбіне елді мекендердің маңында, бұталардың арасында немесе төбелердің баурайында, жел өтінен ықтасын жерлерде қар үстінде түнейді.

Мемлекеттік инспектор: Е.Гергенрейдер

Толығырақ: Жарияланды 07 Қараша 2025

Ағымдағы жылдың 5 қарашасы күні Экологиялық ағарту, рекреация және туризм бөлімінің экскурсия жетекшілері Д. Баяхметов пен Ж. Сакиева, орманшылық басшысы Ф.Хикматалимов және мемлекеттік инспекторлар К.Еркинтаев, С. Токушевпен бірге «Қарабас» туристік маршрутына күзгі түгендеу жұмыстарын жүргізді.
Тексеру барысында маршрут бойындағы ақпараттық тақталар, маршрут картасы, демалыс орындары, қоқыс жәшіктері және қашықтықты көрсететін бағыттаушы белгілердің барлығының жарамды күйде сақталғаны анықталды.
Түгендеу жұмыстарының қорытындысы бойынша ақпараттық тақталар, аншлагтар және маршрут картасы толықтай жұмысқа жарамды күйде екені белгіленді.

Экскурсия жетекшісі: Ж.Сакиева.

Толығырақ: Жарияланды 06 Қараша 2025

Сізге көрсетілген бұл алғыс — еңбегіңіздің жемісі мен табиғатты аялауға қосқан зор үлесіңіздің айғағы.

Орманды қорғау мен экологиялық тепе-теңдікті сақтау жолындағы қажырлы еңбегіңіз әріптестеріңізге үлгі, кейінгі ұрпаққа өнеге болсын!

Сізге мықты денсаулық, отбасылық амандық, еңбекте табыс пен жаңа жетістіктер тілейміз!

Жасыл табиғатты қорғау жолындағы абыройлы қызметіңіз әрдайым бағалана берсін! 🌳

Игі тілекпен: «Тарбағатай» МҰТП ұжымы.

Толығырақ: Жарияланды 05 Қараша 2025

Қазақстан Республикасы Кәсіподақтар федерациясы еңбек адамының құқықтары мен мүдделерін қорғаудағы елеулі еңбегі үшін Дарханбаев Нурбек Калдыбековичті Құрмет грамотасымен марапаттады.

Бұл марапат — Нурбек Калдыбековичтің кәсіби жауапкершілігі мен табанды еңбегінің, сондай-ақ еңбек ұжымындағы белсенді азаматтық ұстанымының айғағы. Ол өзінің адал қызметі мен ынта-жігерінің арқасында ұжымда жоғары беделге ие болып, кәсіподақ қозғалысының дамуына зор үлес қосып келеді.

Кәсіподақ қозғалысының 120 жылдық мерейтойы аясында берілген бұл марапат — еңбек адамының қоғамдағы рөлін дәріптеу мен әділдік қағидатын ұлықтаудың жарқын көрінісі.

Ұжым атынан Нурбек Калдыбековичті шын жүректен құттықтай отырып, мықты денсаулық, отбасылық амандық және жаңа кәсіби табыстар тілейміз!

Еңбегінің жемісі артып, абыройы асқақтай берсін! 🌿