Табиғат – біздің ортақ үйіміз. Айналадағы әрбір ағаш, өзен, құс пен жануар – адам өмірінің ажырамас бөлігі. Сондықтан табиғатты қорғау, оны таза күйінде сақтау – әрбір адамның басты міндеті.

Қазіргі таңда қоршаған ортаға түсетін жүктеме көбейіп келеді. Тұрмыстық қалдықтардың көбеюі, пластиктің шамадан тыс қолданылуы, орман өрттері мен су ресурстарының ластануы – бұл біздің болашағымызға әсер ететін мәселелер. Осындай келеңсіздіктердің алдын алу үшін қарапайым күнделікті әрекеттерден бастау жеткілікті: қоқысты арнайы орындарға тастау, суды үнемдеу, жасыл желекті қорғау және табиғатқа зиян келтірмейтін тәсілдерді қолдану.

Жер ананы аялау – өз өмірімізге, келер ұрпаққа жасалған қамқорлық. Егер әрқайсымыз табиғатқа жанашырлықпен қарасақ, таза, жасыл және бейбіт орта қалыптастыруға өз үлесімізді қоса аламыз.

Таза табиғат – жарқын болашақтың кепілі!

Баспасөз хатшысы: Ә.Көбенова