2026 жылғы 28 қаңтар күні Көктерек орта мектебінің бақшасында «Тарбағатай» мемлекеттік ұлттық табиғи паркінің Экологиялық ағарту, рекреация және туризм бөлімі ұйымдастырған «Заңсыз аң аулауды тоқтатыңыз!» атты экологиялық-ағартушылық іс-шарасы өткізілді.

Аталған акцияның негізгі мақсаты – оқушылар мен жергілікті тұрғындар арасында жабайы жануарларды қорғау, заңсыз аңшылықтың алдын алу және табиғатты аялау мәдениетін қалыптастыру. Іс-шара барысында ұлттық парк мамандары қатысушыларға өңірдегі биологиялық алуан түрлілік, аумақта сирек кездесетін, Қазақстан Республикасының Қызыл кітабына енген жануарлар туралы кеңінен ақпарат беріп, оларды сақтаудың маңыздылығын түсіндірді.