- Толығырақ
2025 жылғы 10 қыркүйек күні, Дүниежүзілік туризм күніне орай, Тарбағатай мемлекеттік ұлттық табиғи паркінің ЭАРТ бөлімінің экскурсия жетекшілері Ж.Сакиева мен Д.Баяхметов «Б. Жүнісов атындағы орта мектеп-бақша» КММ-нің 10-сынып оқушыларына арналған «Қарабас» туристік маршруты бойынша танымдық экскурсия ұйымдастырды.
Бұл шараның мақсаты – оқушылардың туған өлкенің табиғаты мен тарихи-мәдени мұрасына деген қызығушылығын арттырып, экологиялық және патриоттық тәрбиені күшейту.
Экскурсия барысында оқушылар Қарабас шатқалындағы тарихи маңызы зор петроглифтерді тамашалап, қола дәуірінен сақталған археологиялық мұралармен танысты. Сонымен қатар, өткен ғасырдың ІІХК (НКВД) кезеңінен қалған мөрдің тарихы туралы тың мәліметтерге қанықты.
Тарих пен табиғат тоғысқан бұл бағыт балалардың ерекше ықыласын тудырды. Олар ежелгі тас бетіндегі суреттердің маңызын түсініп, тарихи орындарды көзбен көріп, тың деректер алды.
Экскурсия соңында оқушылар алған әсерлерімен бөлісіп, жетекшілерге шынайы алғыстарын білдірді. Мұндай шаралар өскелең ұрпақтың туған елге деген сүйіспеншілігін арттырып, табиғатты қорғауға деген жауапкершілігін қалыптастырады.
Экскурсия жетекшісі: Жансая Сакиева.
- Толығырақ
Қазақстанда қыркүйек айының соңғы жексенбісі Еңбек күні ретінде аталып өтеді. Бұл мереке – әр салада адал еңбек етіп жүрген азаматтарға деген құрметтің, алғыс пен ризашылықтың белгісі. Ел дамуының басты қозғаушы күші саналатын еңбек адамына деген қоғам көзқарасын көтеру мақсатында 2013 жылдан бастап ресми түрде бекітілген.
Ал 2025 жыл – Жұмысшы мамандықтар жылы ретінде жарияланғаны белгілі. Осы орайда Қарабұйрат орманшылығы ұжымы да бұл бастаманы қолдай отырып, еңбек адамын дәріптеуге бағытталған іс-шараларға белсене қатысуда.
⸻
Осы орайда Қарабұйрат орманшылығы басшысының Жұмысшы мамандықтар жылына орайластырылып түсірілген арнайы видеосын назарларыңызға ұсынамыз!
📹🖊️ Ұлттық парктің баспасөз қызметі.
- Толығырақ
2025 жылдың 25 қыркүйегінде “Тарбағатай” мемлекеттік ұлттық табиғи паркінің Қарабұйрат орманшылығының орман шеберінің көмекшісі Б.Шоқаев пен мемлекеттік инспекторлары Б.Қасенбаев, Е.Мырзағали “Қарабұйрат орта мектеп-бақшасы” коммуналдық мемлекеттік мекемесінде “Орманды өрттен қорғайық!” тақырыбында танымдық дәріс сабағын өткізді.
Аталған іс-шараның негізгі мақсаты – өскелең ұрпақтың экологиялық сауаттылығын арттыру, орман байлығын сақтау мен қорғаудың маңыздылығын ұғындыру және орман өрттерінің алдын алу жолдарын түсіндіру болды.
Дәріс барысында мамандар оқушыларға орман өрттерінің түрлері, пайда болу себептері және оның табиғатқа тигізетін зияны туралы кеңінен баяндады. Сонымен қатар, орман алқаптарында қауіпсіздік ережелерін сақтау, от жағуға болмайтын орындар, өрт шыққан жағдайда қандай әрекет жасау керектігі жөнінде нақты мысалдар арқылы түсіндірді.
Шараға 5-9 сынып аралығындағы 9 оқушы қатысты. Олар белсенділік танытып, тақырыпқа байланысты сұрақтар қойып, өз пікірлерін ортаға салды. Инспекторлар балалардың қызығушылығына ризашылықтарын білдіріп, экологияны қорғау әр азаматтың борышы екенін атап өтті.
Осындай тәрбиелік мәні зор кездесулер оқушылардың табиғатқа деген жанашырлық сезімін оятып, экологиялық мәдениетті қалыптастыруға ықпал етеді.
Мемлекеттік инспектор: Қасенбаев Бақытжан.
- Толығырақ
Сізді ұзақ жылдар бойы атқарған адал қызметіңіз үшін шынайы алғысымызды білдіре отырып, зейнеткерлікке шығуыңызбен шын жүректен құттықтаймыз! Орман қорғау саласында елеулі еңбек етіп, табиғатты сақтау мен оны келер ұрпаққа аманат ету жолында үлкен үлес қостыңыз.
Сіздің кәсіби біліктілігіңіз бен өмірлік тәжірибеңіз әріптестеріңізге әрдайым үлгі болды.
Сізге зор денсаулық, отбасыңызға амандық, ұзақ ғұмыр мен бақ-береке тілейміз!
Құрметпен, “Тарбағатай” МҰТП ұжымы.
- Толығырақ
Қазіргі таңда табиғатты қорғау – әрбіріміздің азаматтық борышымыз. Осы бағытта еңбек етіп жүрген мекемелердің бірі – “Тарбағатай” мемлекеттік ұлттық табиғи паркінің Мақаншы орманшылығы. Күзгі мезгілде жабайы жануарлардың қысқы кезеңге дайындалуына жағдай жасау мақсатында орманшылар биотехниялық іс-шараларға белсене кірісіп отыр.
Атап айтқанда, орманшылық мамандары жабайы жануарларды қысқы азықпен қамтамасыз ету үшін алдын ала қор жинап жатыр. Қазіргі уақытқа дейін 7 келі тұз және 550 дана бұтақты азық (веточка-корм) дайындалып қойылды. Бұл – жануарлардың ағзаға қажетті минералдар мен дәрумендерді жеткілікті түрде алуына септігін тигізетін маңызды қадам.
Сонымен қатар, жабайы аңдарға арналған азық пен тұзды қоюға арналған арнайы құрылғылар – науалар да назардан тыс қалмады. Орманшылардың өз қолымен жасалған 9 дана науа таулы және орманды аймақтарға орнатылды. Бұл – олардың кәсіби біліктілігін, табиғатқа деген жанашырлығын көрсететін жарқын мысал.
Мақаншы орманшылығының қызметкерлері бұл жұмыстардың барлығын табиғатты қорғау және экожүйенің тепе-теңдігін сақтау мақсатында атқарып отыр. Олар үшін әр аң мен құстың амандығы – үлкен жауапкершілік пен жүрек қалауынан туындайтын жұмыс.
– Табиғат – біздің ортақ үйіміз. Сондықтан оның әрбір мүшесіне қамқор болу – басты міндетіміз. Қыстың қақаған аязында жабайы жануарларға аз да болса көмек беру арқылы біз олардың өмірін сақтап қалуға үлес қосамыз, – дейді орманшылық басшысының көмекшісі.
Айта кету керек, мұндай іс-шаралар жыл сайын дәстүрлі түрде ұйымдастырылады. Бұл өз кезегінде өңірдегі биоәртүрлілікті сақтауға, орман экожүйесінің тұрақтылығын арттыруға мүмкіндік береді.
Мақаншы орманшылығының табиғатты аялауға бағытталған бұл еңбегі көпке үлгі болары сөзсіз. Алдағы уақытта да мұндай игі бастамалар жалғасын таба береді деп сенеміз.
Мақаншы орманшылық басшысының көмекшісі: Ержан Шакиров.
- Толығырақ
Дүниежүзілік тазалық күні (World Cleanup Day) әрқашан қыркүйек айының үшінші сенбісінде атап өтіледі. Бұл — қоршаған ортаны қорғауға бағытталған және әлемнің 190-нан астам елінде қолдау тапқан жаһандық экологиялық қозғалыс.
«Тарбағатай» мемлекеттік ұлттық табиғи паркі аталмыш акцияға жыл сайын қатысып келеді. Бұл бастама — ұжымның табиғатқа деген жауапкершілік сезімін арттырып, экологиялық мәдениетті қалыптастырудағы тұрақты ұстанымын көрсетеді.
Бүгінгі сенбілік барысында ұлттық парктің Үржар орманшылығына қарасты 45-орамның 16-телімінде тазалық жұмыстары ұйымдастырылды. Іс-шараға орманшылықтың мемлекеттік инспекторлары белсенді қатысып, табиғаттың тазалығына үлес қосты.
Сенбілікке 15 мемлекеттік инспектор жұмылдырылып, нәтижесінде 0,03 тонна тұрмыстық қалдық жиналып, ұлттық парктің арнайы техникасымен қоқыс полигонына шығарылды.
Мұндай экологиялық акциялар – қоршаған ортаны қорғаумен қатар, қоғамда экологиялық сана қалыптастырудың маңызды құралы. Сонымен қатар, бұл – жас ұрпаққа табиғатты аялаудың маңызын іс жүзінде көрсететін тәрбиелік шара.
Мемлекеттік инспектор: Аман Шарапиев.
#тазақазақстан
#тазақазақстанэкологиялықакциясы
#тазақазақстан🇰🇿
#табиғатқорғауқызметкерлері
#орманшаруашылығы
#Дүниежүзіліктазалықкүні2025
- Толығырақ
Іс-шараның негізгі мақсаты — қоғам назарын қоршаған ортаның тазалығына аудару, азаматтық жауапкершілік пен табиғатқа деген жанашырлықты қалыптастыру.
Акцияда өзен жағалауын тұрмыстық қалдықтардан тазалап, экологиялық тазалықты сақтау бағытында нақты іс-қимыл жасалды.
Іс-шара барысында аудандық “Уақыт тынысы” газетінің тілшісі Гүлнар Байманқызы акцияның маңыздылығын атап өтіп, келешекте осындай шаралардың жиі әрі ауқымды түрде өткізілуі қажет екендігі жөнінде оң пікірін білдірді.
Тілші бүгінгі акция — тек қоқыс жинау емес, бұл — табиғатты қорғау идеясын қоғамға жеткізудің бір жолы. Осындай бастамалар арқылы халықтың экологиялық мәдениеті артады деп сенем артты.
“Тарбағатай” МҰТП ұжымы үшін бұл акция — қоршаған ортаға деген құрметтің, патриоттық рухтың, ұрпақ алдындағы жауапкершіліктің нақты көрінісі.
Іс-шара соңында қатысушылар табиғат аясында ашық пікір алмасып, алдағы уақытта экологиялық бағыттағы ақпараттық-ағартушылық жұмыстарды одан әрі күшейту жөнінде ұсыныстарын ортаға салды.
Мемлекеттік инспектор: Ерлан Акильбеков.
Серкебаев Айдын Серікұлы
«Тарбағатай» мемлекетік ұлттық табиғи паркі» РММ директоры
"Тарбағатай" Ұлттық паркі. Сан. тазалау үшін ақы төлеу
"Тарбағатай" Ұлттық паркі. Көлікке арналған тұрақ ұсыну
