Жаңалықтар

info 11.03.24

Толығырақ: Жарияланды 07 Қараша 2025

Ағымдағы жылдың 5 қарашасы күні Экологиялық ағарту, рекреация және туризм бөлімінің экскурсия жетекшілері Д. Баяхметов пен Ж. Сакиева, орманшылық басшысы Ф.Хикматалимов және мемлекеттік инспекторлар К.Еркинтаев, С. Токушевпен бірге «Қарабас» туристік маршрутына күзгі түгендеу жұмыстарын жүргізді.
Тексеру барысында маршрут бойындағы ақпараттық тақталар, маршрут картасы, демалыс орындары, қоқыс жәшіктері және қашықтықты көрсететін бағыттаушы белгілердің барлығының жарамды күйде сақталғаны анықталды.
Түгендеу жұмыстарының қорытындысы бойынша ақпараттық тақталар, аншлагтар және маршрут картасы толықтай жұмысқа жарамды күйде екені белгіленді.

Экскурсия жетекшісі: Ж.Сакиева.

Толығырақ: Жарияланды 06 Қараша 2025

Сізге көрсетілген бұл алғыс — еңбегіңіздің жемісі мен табиғатты аялауға қосқан зор үлесіңіздің айғағы.

Орманды қорғау мен экологиялық тепе-теңдікті сақтау жолындағы қажырлы еңбегіңіз әріптестеріңізге үлгі, кейінгі ұрпаққа өнеге болсын!

Сізге мықты денсаулық, отбасылық амандық, еңбекте табыс пен жаңа жетістіктер тілейміз!

Жасыл табиғатты қорғау жолындағы абыройлы қызметіңіз әрдайым бағалана берсін! 🌳

Игі тілекпен: «Тарбағатай» МҰТП ұжымы.

Толығырақ: Жарияланды 05 Қараша 2025

Қазақстан Республикасы Кәсіподақтар федерациясы еңбек адамының құқықтары мен мүдделерін қорғаудағы елеулі еңбегі үшін Дарханбаев Нурбек Калдыбековичті Құрмет грамотасымен марапаттады.

Бұл марапат — Нурбек Калдыбековичтің кәсіби жауапкершілігі мен табанды еңбегінің, сондай-ақ еңбек ұжымындағы белсенді азаматтық ұстанымының айғағы. Ол өзінің адал қызметі мен ынта-жігерінің арқасында ұжымда жоғары беделге ие болып, кәсіподақ қозғалысының дамуына зор үлес қосып келеді.

Кәсіподақ қозғалысының 120 жылдық мерейтойы аясында берілген бұл марапат — еңбек адамының қоғамдағы рөлін дәріптеу мен әділдік қағидатын ұлықтаудың жарқын көрінісі.

Ұжым атынан Нурбек Калдыбековичті шын жүректен құттықтай отырып, мықты денсаулық, отбасылық амандық және жаңа кәсіби табыстар тілейміз!

Еңбегінің жемісі артып, абыройы асқақтай берсін! 🌿

Толығырақ: Жарияланды 05 Қараша 2025

Табиғат – адамзаттың тіршілік бесігі, өміріміздің бастауы. Біз демалатын таза ауа, ішетін мөлдір су, жейтін ас – барлығы табиғаттың сыйы. Сондықтан оны қорғау, аялау – әр адамның қасиетті борышы. Алайда бүгінгі таңда қоршаған ортаның ластануы, әсіресе тұрмыстық қалдықтардың көбеюі – өзекті мәселеге айналып отыр.
Қоқысты бейберекет тастау – тек айналаны ластау емес, ол экологиялық мәдениеттің төмендігін көрсетеді. Бір ғана пластик бөтелке жүздеген жылдар бойы шірімей, топырақты улайды, жануарларға зиянын тигізеді. Ал орманда немесе өзен жағасында тасталған қоқыс табиғаттың сұлулығын ғана емес, тіршілік иелерінің өмірін де қауіпке тігеді.
Сондықтан біз табиғатқа тек демалу үшін емес, оған қамқорлық көрсету үшін баруымыз керек. Әрбіріміз өзімізден бастап тазалыққа мән беріп, қоқысты жинап, сұрыптауды әдетке айналдырсақ – үлкен өзгеріс орын алады. «Табиғатқа қоқыс емес, қамқорлық керек!» деген ұстаным – бүгінгі және келер ұрпақ алдындағы жауапкершілігіміздің белгісі.
Таза табиғат – бақытты өмірдің кепілі. Ендеше, туған жердің әр тасын, әр гүлін қадірлейік. Қоршаған ортаны таза ұстау – өзімізге, болашағымызға жасаған қамқорлық.
Экологиялық ағарту инженері: Ә.Көбенова.

Толығырақ: Жарияланды 30 Қазан 2025

Касенбаев Бахитжан Маратович “Тарбағатай” мемлекеттік ұлттық табиғи паркінің Қарабұйрат орманшылығының мемлекеттік инспекторы қызметін атқарады. Ол ұлттық парктегі еңбек жолын 2021 жылдан бастап, бүгінгі күнге дейін табиғатты қорғау саласында адал қызмет етіп келеді.

Бахитжан Маратович өз ісіне ерекше жауапкершілікпен қарайтын жан. Мемлекеттік инспектор ретінде оның басты міндеті — орман алқаптарын заңсыз ағаш кесуден қорғау, өрт қаупін болдырмау, табиғи ресурстардың сақталуын қамтамасыз ету және экологиялық тәртіпті бақылау. Осы бағытта ол әрдайым табандылық танытуда.

Күнделікті жұмыс барысында ол орманды қорғау ісінің тек қызмет емес, үлкен жауапкершілік пен жанашырлықты талап ететінін жақсы түсінеді. Табиғатты аялау, жас ұрпаққа экологиялық тәрбие беру – оның кәсіби және адамгершілік ұстанымдарының бір бөлігі.

Ұлттық парктің баспасөз хатшысы: Ә.Көбенова.

Толығырақ: Жарияланды 25 Қазан 2025

Сіздерді ұлы мереке — Қазақстан Республикасының күнімен шын жүректен құттықтаймыз!

Бұл мереке – халқымыздың азаттығы мен елдігіміздің айшықты символы, мемлекетіміздің тәуелсіздік жолындағы маңызды белесі. Республика күні – егемен еліміздің тұтастығын, бірлігін және жарқын болашағын бейнелейтін қастерлі күн.

Бүгінгі бейбіт өмір мен өркендеудің негізі – ел бірлігі мен халықтың татулығы. Сол бірлігіміз мәңгі сақталып, Тәуелсіз Қазақстанның көк байрағы әрдайым биікте желбірей берсін!

Елімізге – тыныштық пен тұрақтылық,

әрбір отбасына – амандық, шаттық және бақ-береке тілейміз!

Республика күні құтты болсын!

Ізгі тілекпен: “Тарбағатай” МҰТП ұжымы.

Толығырақ: Жарияланды 23 Қазан 2025

2025 жылдың 23 қазан күні «Тарбағатай» мемлекеттік ұлттық табиғи паркінің ғылыми қызметкерлері Қ.Төлеубеков атындағы орта мектебінің 4 «Б» сынып оқушылары арасында «Қар барысын сақтау» тақырыбында шығармашылық байқау ұйымдастырды.

Іс-шара барысында оқушыларға қар барысы туралы қызықты мәліметтер беріліп, оның табиғаттағы маңызы мен сирек кездесетін түр ретінде қорғаудың қажеттілігі түсіндірілді.

Одан кейін оқушылар өз ойларын шығармашылық түрде қағаз бетіне түсіріп, «Қар барысын сақтау» тақырыбында шығарма жазды.

Байқау соңында үздік деп танылған жұмыстардың авторлары арнайы мадақтама грамоталарымен марапатталды.

Жалпы байқауға 14 оқушы қатысты.

Мұндай іс-шаралар жас ұрпақтың табиғатты аялауға, жануарлар дүниесін қорғауға деген қызығушылығын арттыруға бағытталған маңызды бастама болды.