- Толығырақ
8-наурыз Халықаралық әйелдер күні мерекесіне орай, әрі "Жұмысшы мамандықтар жылы" қарсаңында "Тарбағатай" МҰТП қызметкері Акильбекова Гульнара Хабидуллаевна ауданымыздың өркендеуі мен азаматтық қоғамның дамуына елеулі үлес қосқаны үшін "Атамекен" аталымының иегері атанып, Үржар ауданы әкімінің дипломымен марапатталды.
Гульнара Хабидуллаевнаға көңіліңіз көктем гүліндей кіршіксіз, өміріңіз өлең жолдарындай мінсіз болсын демекпіз!
Ұлттық парктің баспасөз қызметі.
- Толығырақ
8 наурыз - Халықаралық әйелдер күнімен құттықтаймыз! Бақыт пен жаксылық, байлық пен
сәттілік, көктемгі көңіл-күй мен шат күлкі тілейміз! Бар тілектеріңіз бен армандарыңыз
орындалсын!
Ұлттық парктің баспасөз қызметі.
- Толығырақ
Ағымдағы жылдың 05 наурызында Семей қаласының Шәкәрім атындағы университетінің конференц-залында департаменттің бастамасымен "ТАБИҒИ ӨРТТЕРМЕН КҮРЕСУДІҢ КЕШЕНДІ СТРАТЕГИЯЛАРЫ МЕН ИНТЕГРАЦИЯЛАНҒАН ТӘСІЛДЕРІ" атты Халықаралық ғылыми-практикалық конференция өткізілді.
Оның мақсаты ғылыми-практикалық негіздемелерді ескере отырып, орман өрттері мәселелері бойынша іс-шараларды әзірлеу болып табылады.
Конференция жұмысына облыс әкімінің орынбасары Д.Гариков, "Тарбағатай" мемлекеттік ұлттық табиғи паркінің директоры А.Серкебаев, орман шаруашылығы мекемелерінің басшылары, "Қазавиаорманқорғау" КМҚК, Шекара қызметі департаментінің өкілдері және басқа да мүдделі мемлекеттік органдар қатысты.
Конференция барысында қатысушылардың назарына Калифорниядағы табиғи өрттерді жою тәжірибесі негізінде орман өрттерін бақылау және басқару жүйесін талдау бойынша ҚР ТЖМ Командалық орталығының талдауы ұсынылды.
Сондай-ақ, онлайн режимде ҚР ТЖМ өртке қарсы қызмет комитетінің орынбасары Қ.Доспаев құттықтау сөз сөйлеп, облыстың шетелдік әріптестеріміздің тәжірибесін зерделеу негізінде табиғи өрттерді болдырмау мен жоюдың жаңа жолдары мен тәсілдерін зерделеуге және іздестіруге дайындығын қолдады.
Сонымен қатар, Қазақстан Республикасы, Қырғызстан және Ресей Федерациясының жоғары оқу орындарының ормандарды қорғау саласындағы профессорлар мен ғылым кандидаттары баяндама жасады.
Айта кету керек, ғылыми конференция алаңы талқылау барысында өзекті мәселелерді шешуге мүмкіндік береді.Азаматтық қорғауды жетілдіру бойынша жаңа маңызды міндеттерді шешуге сындарлы қарау.
Баспасөз хатшысы Ә.Көбенова
- Толығырақ
Абай облысы мәслихатының шешімімен және Үржар ауданының әкімі Башимбаев Ақылбек Жұмабекұлының ұсынысына келісе отырып, ауданымыздың орман шаруашылығы мен табиғатты қорғау саласына сіңірген ұзақ жылғы еңбегін, әлеуметтік-экономикалық дамуына қосқан үлесін және қоғамдық өмірдегі белсенділігін ескере келе Үржар аудандық мәслихатының шешімімен Темешев Ережеп Мұқанұлына "Үржар ауданының Құрметті азаматы" атағы берілді.
Жұмысшы мамандықтар жылында "Тарбағатай" МҰТП-нің қарт ардагері Ережеп Мұқанұлының ерен еңбегінің жетістігіне қуанышымызды білдіре отырып, ұзақ ғұмыр, зор денсаулық, отбасына амандық тілейміз!
Ұлттық парктің баспасөз қызметі.
- Толығырақ
2025 жылдың 03 наурызы күні Жоғарғы Егінсу ауылының "Егінсу орта мектеп-бақшасы" КММ-сінде "Тарбағатай тәу етер жерім, Топырағыңнан өскен дәніңмін!" тақырыбында ғылыми-танымдық конференция өтті.
Конференцияның мақсаты: оқушылардың төл тарихымызды түгендеп, ұлттық құндылықты қадірлеуге, аға буын ұрпақтың қатысуымен жас буынның рухани дамуына жол ашу.
Алға қойылған міндет: туған жер тарихын зерделеу, туған жердің қадірін білу, табиғи тағылым, кешенді тәрбие беру мақсатында қарт Тарбағатай тауының тарихымен танысу.
Ғылыми-танымдық конференция мен көрмеге жалпы саны 115 адам қатысты. 22 оқушы 14 тақырыпты қорғап шықты. Алқа мүшелерінің сараптамасымен жүлделі орындар иеленген жеңімпаздар мадақтама қағаздарымен марапатталып, алтын, қола, күміс медальдарын иеленді.
Экологиялық ағарту инженері: Ә.Көбенова.
- Толығырақ
Байқау шарттары:
Байқауға Үржар ауылына қарасты мектептердің 3-4 сынып оқушылары қатыса алады.
Байқауға ұсынылатын суреттер 7 наурызға дейін “Тарбағатай” мемлекеттік ұлттық табиғи паркінің кеңсесіне өткізілуі керек. Сурет форматы - А 4 және сурет акварельмен салынуы тиіс.
Бағалау критерийлері:
1) Суреттің атауы (тақырыбы);
2) Тақырыптың ашылуы;
3) Эстетикалық безендірілуі;
4) Суреттің оқушының өз жасына сәйкес болуы;
5)#тарбағатайтабиғат хэштегін көрсетіп, @tarbagatai_2018 парақшасын белгілеу керек.
Мекен-жайымыз: Үржар ауылы, Абылайхан даңғылы 327А;
Байланыс телефоны: 87781497221
Ұйымдастырушылар: Ғылым, ақпарат және экологиялық мониторинг бөлімі.
- Толығырақ
Ақпан айының 28-і күні Экологиялық ағарту, рекреация және туризм бөлімінің қызметкерлері Абылайхан атындағы орта мектептің 6"а", 11"б" сынып оқушыларының "Таза Қазақстан" және "Біртұтас тәрбие" экологиялық бағдарламалары шеңберінде ұйымдастырған "Су - тіршілік көзі" экологиялық акциясына қатысты.
Ең қызығарлығы, оқушылардың судың құрамы мен қасиетіне жасаған зерттеу жұмыстары еді! Сондай-ақ, олар өздерінің дайындаған ән-шашуын, тақпақтарын, көріністерін, мақал-мәтел жарысын, презентацияларын түгелдей табиғатпен байланыстыра білді! Экскурсия жетекшісі Э.Баженов "Су - тіршілік көзі", ал экологиялық ағарту инженері Ә.Көбенова "Орманды сақтау - адамзаттың парызы!" тақырыптарында семинар сабағын өтті.
Экологиялық акцияға 37 оқушы қатысты.
"Таза Қазақстан" экологиялық бағдарламасы аясында өткен іс-шараға белсене қатысып, ұйымдастырушылық қабілетін көрсеткені үшін жетекшілері Туруспекова Лаура Акановна мен Омарова Жанар Султановна "Тарбағатай" МҰТП директоры Серкебаев Айдын Серікұлының алғыс хатымен марапатталды.
Экологиялық ағарту инженері: Ә.Көбенова.
Серкебаев Айдын Серікұлы
«Тарбағатай» мемлекетік ұлттық табиғи паркі» РММ директоры
"Тарбағатай" Ұлттық паркі. Сан. тазалау үшін ақы төлеу
"Тарбағатай" Ұлттық паркі. Көлікке арналған тұрақ ұсыну
