- Толығырақ
Ұлттық парктің ғылыми қызметкерлері мен мемлекеттік инспекторлары далалық жұмыстар жүргізу барысында 3 Сібір елігін кездестірді. Қазіргі уақытта таудағы қардың қалыңдығы 35 см жеттіп, еліктер үшін қорек табу қиынға соғуда. Сол себепті еліктер таулы аймақтан жазық жерлер мен өзен аңғарларына қарай көшіп қонуда.
Көші-қон кезінде үйірімен топтасқан еліктер көлік жолын кесіп өтіп, жүйткіп келе жатқан көлікке жиі соғылады. Әсіресе, қар жауып тұрғанда немесе боранды күндері оларды алыстан аңғару қиынға соғады. Сондықтан жануарлардың көші-қоны орын алып жатқан мерзімде көлік жүргізушілеріне сақ болуды ескертеміз!
Ғылым, ақпарат және экологиялық мониторинг бөлімі.
- Толығырақ
Биотехния – жабайы жануарлардың өмір сүру жағдайларын жақсарту және олардың санын көбейту үшін қолданылатын ғылыми негізделген әдістер мен шаралар жүйесі.
Биотехнияның негізгі мақсаттары:
- Жануарлар популяциясын сақтау және көбейту;
- Экожүйенің тепе-теңдігін сақтау;
- Адам мен табиғат арасындағы үйлесімділікті арттыру.
"Тарбағатай" мемлекеттік ұлттық табиғи паркінің мемлекеттік инспекторлары биотехниялық іс-шараларды жыл сайын атқаруда. Себебі, ұлттық парк аумағындағы кең далалар, таулар және ормандар көптеген жабайы жануарлардың мекені болып табылады. Биотехния арқылы жануарлардың санын қалпына келтіру, құстардың мекенін сақтау, сирек кездесетін жануарларды қорғау жұмыстары қамтылады.
Жабайы жануарлар мен құстарды қорғау және олардың болашақ ұрпаққа аман-есен жетуіне үлес қосу - Қазақстан Республикасының әрбір азаматының міндеті деп есептейміз!
Баспасөз хатшысы: Ә.Көбенова.
- Толығырақ
«Тарбағатай» мемлекеттік ұлттық табиғи паркінің орман өртін сөндіру стансасында 14 өрт сөндіру қызметкерлері (маусымдық) мен 2 дана АЦ-1,6-40 өрт сөндіру көлігінің жүргізушілері қызмет етеді.
Өрт сөндіру қызметкерлерінің қауіпсіздігін қамтамасыз етуде өрт сөндіру көліктері, жеке қорғаныс құралдары (ЖҚҚ) мен арнайы киімдер маңызды рөл атқарады. Сол себепті, оларды дұрыс пайдалану ғана емес, дұрыс сақталуларын қамтамасыз ету де маңызды. Консервациялау процесі - өрт сөндіру көліктері, ЖҚҚ мен арнайы киімдердің қызмет ету мерзімі мен тиімділігіне әсер етеді.
Осыны негізге алған Орман өртін сөндіру стансасының қызметкерлері өрт сөндіру көліктеріне, жеке қорғаныс құралдары (ЖҚҚ) мен арнайы киімдеріне консервациялау жұмыстарын ойдағыдай атқарды.
Баспасөз хатшысы Әсем Көбенова.
- Толығырақ
2024 жылдың 11-қарашасынан бастап, Қазақстан Республикасы Экология және табиғи ресурстар министрлігі Орман шаруашылығы және жануарлар дүниесі комитетінің бұйрығына сәйкес, «Тарбағатай» мемлекеттік ұлттық табиғи паркі республикалық мемлекеттік мекемесі аумағында өрт қаупі бар маусым ресми түрде аяқталды.
Осы маусымда ұлттық парк аумағында жалпы ауданы 2,5 га болатын 1 орман өрті тіркеліп, жедел анықтаудың және оларды сөндіру үшін уақытылы қабылдаған шаралардың арқасында өрт ошағы дер кезінде жойылған болатын.
Осы орман өртін ескере отырып Ұлттық парк 2025 жылдың өрт қаупі бар маусымына бүгінгі күннен бастап дайындық жұмыстарын жүргізуді қолға ала отырып, Сіздерді Үржар, Мақаншы аудандары бойынша көрікті де әсем табиғатымызды, шағын орманымызды өрттен қорғауға шықырамыз!
Орман қорғау инженері М.Малгельдинов.
- Толығырақ
Класс-Сүтқоректілер
Отряд-Кеміргіштер
Тұқымдас -Хомяк
Туыс-ондатр
Ондатрдың салмағы 1,8 кг-ға дейін жетуі мүмкін, дене ұзындығы 23-36см, құйрығының ұзындығы дененің ұзындығына тең .Ондатр тәулік бойы белсенді, бірақ көбінесе күн батқаннан кейін және таңертең. Олар жағалаудағы және су өсімдіктерімен де қоректенеді. Суда ауасыз 12-17 минутқа дейін жүзе алады Көру және иіс сезу нашар дамыған, негізінен есту қабілетіне сүйенеді.
Ғылым, ақпарат және экологиялық мониторинг бөлімі.
- Толығырақ
Қазақстан арқары - үйірлі жануар. Маусымдық қоныс аударады, ал құрғақшылық жылдары немесе қар қалың түскен жылдары – алыс мекендерге кетеді. Таңертең және кешкі уақытта жайылуға шығады, қыста күндіз де жайыла береді. Қазан-қараша айларында күйлеп сәуір-мамыр айларында төлдейді. Жыныстық жағынан 2,5 жаста, ал кейбір саулықтары 1,5 жаста жетіледі. Әдетте 1-2 қозықа туады. Негізгі азықтары – әртүрлі шөптер, сирек бұталардың жапырағын, жемістерін қорек етеді.
Ғылым, ақпарат және экологиялық мониторинг бөлімі.
Серкебаев Айдын Серікұлы
«Тарбағатай» мемлекетік ұлттық табиғи паркі» РММ директоры
"Тарбағатай" Ұлттық паркі. Сан. тазалау үшін ақы төлеу
"Тарбағатай" Ұлттық паркі. Көлікке арналған тұрақ ұсыну
