- Толығырақ
2-3 мамыр аралығында «Тарбағатай» мемлекеттік ұлттық табиғи паркінің мемлекеттік инспекторларымен «Парктер шеруі – 2024» экологиялық акциясының жоспарына сәйкес «Таза өзен – таза жағалау!» акциясы өтті. Осы уақыттарда туризм бөлімінің қызметкерлері Ақтоғай және Бестерек мемлекеттік инспекторларының бірлескен түрде өткізген сенбілігіне қатысты.
Біз үшін өзеннің жағасын қоқыстан тазалау маңызды іс-шара болып табылады. Себебі, өзендер ғаламшардағы ең маңызды табиғи ресурстардың бірі. Олар ауыз су, ауыл шаруашылығы, өнеркәсіп және басқа да тіршілік салалары үшін тұщы суды қамтамасыз етеді. Өзеннің жағалауы суға түспес бұрын қоқыс пен ластағыш заттарды ұстап қалып, сүзгіш қызметін атқарады. Егер жағалаулар қоқыспен толтырылса, онда бұл судың ластануына және оның сапасының нашарлауына әкеп соғады. Бұл жалпы экожүйеге кері әсерін тигізеді.
Өзен жағалауларындағы қоқыс қоршаған ортаны эстетикалық тұрғыдан қабылдауды бұзатыны ескерілее отырып, Ақтоғай өзенінің бойынан жиналған қоқыстар мемлекеттік инспектор Ш.Қоштаевтың жеке көлігімен қоқыс полигонына шығарылды. Акцияға жалпы 73 адам қатысты. Мемлекеттік инспекторларға ұлттық парк аумақтарын таза етуге ұмтылыстары үшін алғыс айтамыз!
Экологиялық ағарту инженері Ә.Көбенова.
- Толығырақ
Бүгін, яғни 2024 жылдың 03-мамыры күні Абай облысы әкімінің орынбасары Мұсабаев Әділбек Нәжмадинұлы жұмыс сапарымен Үржар ауданына келіп, аудандағы мекемелермен және «Тарбағатай» мемлекеттік ұлттық табиғи паркінің жұмыс барысымен танысты.
«Тарбағатай» мемлекеттік ұлттық табиғи паркі директорының у.м.а. Н.Дүйсекенов облыс әкімінің орынбасарына қазіргі таңда мекемеде атқарылып жатқан жалпы жұмыстар бойынша баяндама жасады.
Рекреация және туризм жөніндегі инженер Р.Қабсаметов.
- Толығырақ
Ағымдағы жылдың 02-ші мамыры күні «Парктер шеруі – 2024» Халықаралық табиғатты қорғау акциясы аясында болып өткен «Құстар – біздің досымыз!», «Табиғат балалардың көзімен» байқауларын қорытындылау мақсатында Экологиялық ағарту, рекреация және туризм бөлімінің ұйымдастыруымен Үржар тарихи өлкетану музейінде көрме өтті.
Комиссия мүшелері көрмеде балалардың өз қолдарымен дайындаған, әрі байқау ережесіне сәйкес шығармашылық еңбектерін бағалап, қорытындысын шығарды.
«Құстар – біздің досымыз!» байқауы бойынша жүлдегерлер:
1-орын – «Абылайхан ОМ» КММ 7 сынып оқушысы А.Слямғали;
2-орын – «Жансүгіров ОМ» КММ 8 сынып оқушысы Ш.Қуантай;
3-орын – «Абай ОМ» КММ 9 сынып оқушысы Н.Құсаинов.
«Табиғат балалардың көзімен» байқауы бойынша:
Бас жүлде – «Балауса» балабақшасының тәрбиеленушісі М.Ерниязова;
1 – орын «Талшын» жекеменшік балабақшасының тәрбиеленушісі Э.Дүйсенбек;
2 – орын «Б.Тұрлыханов атындағы ОМ» балабақшасының тәрбиеленушісі А.Фархатов;
3 – орын «Нұр-Шуақ» жекеменшік балабақшасының тәрбиеленушісі А.Серікқан.
Байқауға қатысушыларға алғыс білдіре отырып, жеңімпаздарды жүлделі орындарымен құттықтаймыз! Марапаттау рәсімі «Парктер шеруі – 2024» Халықаралық табиғатты қорғау акциясының жабылу салтанатында өтетінін хабарлаймыз.
Экологиялық ағарту инженері Ә.Көбенова.
- Толығырақ
Сәуір – тазалық орнатудың дәстүрлі уақыты. Ұлттық парктің мемлекеттік инспекторлары мен қызметкерлері 29-30 сәуір күндері «Парктер шеруі – 2024» Халықаралық табиғатты қорғау акциясы шеңберінде «Бұлақ көрсең, көзін аш!» атты экологиялық акция өткізді.
Суды таза ұстау – оны қорғау деген сөз. Ата-бабамыз ұлттық дәстүрімізде суды қадірлеу, суды лайламау, суды сабамау, суға дәрет сындырмау, былғамау туралы өсиет сөздерді көп айтқан. Балаларға ата-аналары «Суды сабама – балығын шошытасың», «бұлақты лайлама – құсын кетіресің», «Өзің су ішкен құдығыңа түкірме» деп тоқтау сөз айтып тәрбиелеген. «Бұлақ көрсең, көзін аш!» деп өсиет айтқан. Осы қағиданы басшылыққа ала отырып, ол суды адамдар тек ішу үшін ғана пайдаланбайды, егін, бау-бақша суаруға, мал шаруашылығына, өнеркәсіптің түрлі салаларына қолданылатындығынан да хабардар етпекпіз.
Бұл акцияны өткізу өлкеміздің қоршаған ортасының экологиялық жағдайын жақсартады, табиғат байлығы - бұлақ көздерін қорғай білуге, өлкеміздің табиғи ресурстарын аялауға үлгі болатыны анық.
Іс-шара нәтижесінде ұлттық парк аумағында 39 бұлақ көзі тазаланды. Қатысушылар саны - 45 адам.
Экологиялық ағарту инженері-мемлекеттік инспектор Ә.Көбенова.
- Толығырақ
Бұл күн — әрбір қазақстандық үшін Отанға деген сүйіспеншілік пен патриоттық сезімнің, азаматтық борыш пен жалпы ұлттық келісімнің мерекесі. Қазақ қашаннан да бауырмал халық қой. Әр кезеңдерде елімізден пана іздеп келген «өзге ұлт өкілдерінің» бәрін бауырына басып, төрінен орын беріп, қандай қиын кезеңдердің өзінде бір үзім нанды бөліп жеді. Бүгін елімізде 136 ұлт пен ұлыстың өкілдері бір тудың астында тату-тәтті ғұмыр кешіп жатыр.
Осынау мерекеде Сіздерге шынайы көңілмен бақыт-береке, ашық аспан, елімізді өркендету жолындағы еңбектеріңізге мол табыс, отбасыларыңызға аманшылық пен шаттық тілейміз! Бір шаңырақтың астындағы халқымыздың достығы мен өзара түсіністігі одан әрі жалғасып, еліміздегі ұлтаралық татулық әрдайым берік болып, қашан да ынтымақ, бірлік мәңгі жасай берсін!
Туған жердің төсінде, құшағын жайған бейбіт елдің ішінде әрқайсымыз өз үлесімізді ел бірлігінің сақталуына, бейбіт те мазмұнды өмір кешуімізге атсалысайық!
Ізгі ниетпен:
«Тарбағатай» мемлекеттік ұлттық табиғи паркінің ұжымы.
- Толығырақ
«Тарбағатай» мемлекеттік ұлттық табиғи паркінде мекен ететін арқар қазіргі таңда Қазақстанның қызыл кітабына (IІІ санат. Таралу аймағы үлкенді-кішілі бөліктерден тұрады) енгізілген. Арқарлар (ovis ammon) – ашатұяқтылар отрядының қуысмүйізділер тобына, қой тұқымдасына жататын сүтқоректілердің ең ірісі болып табылады. Арқар атауы моңғол тілінен аударғанда жабайы қой деген сөз.
- Толығырақ
Ағымдағы жылдың 26 сәуірі күні «Тарбағатай» мемлекеттік ұлттық табиғи паркі диркторының у.м.а., заңгер Н.Дүйсекеновтың басшылығымен орман шеберлері мен мемлекеттік инспекторлардың қатысуымен жалпы жиналыс өтті.
Жиналыс барысында Н.Дүйсекенов мемлекеттік инспекторларға Орман шаруашылығы және жануарлар дүниесі комитетінің ведомстволық бағынысты ұйымдары мен облыстық аумақтық инспекциялардың мемлекеттік орман иеленушілердің өрт қауіпті маусымға дайындығын тексеру сапасы бойынша Қазақстан Республикасы Экология және табиғи ресурстар министрі Е.Н. Нысанбаевтың төрағалығымен өткен кеңестің хаттамасында көрсетілген тапсырманы жеткізіп, өрт қауіпті маусымға дайындық пен бақылауды күшейтуді, сондай-ақ өрт сөндіру техникаларының дайындығын қадағалап отыруды тапсырды.
Серкебаев Айдын Серікұлы
«Тарбағатай» мемлекетік ұлттық табиғи паркі» РММ директоры
"Тарбағатай" Ұлттық паркі. Сан. тазалау үшін ақы төлеу
"Тарбағатай" Ұлттық паркі. Көлікке арналған тұрақ ұсыну
