- Толығырақ
Тас сусары (Martes foina) сусарлар тұқымдасының жататын жыртқыш сүтқоректі аң. Тас сусары -орташа мөлшердегі жануар: денесінің ұзындығы 40-54 см, құйрығының ұзындығы 22-30 см, салмағы 2,3 кг-ға дейін. Жүні қоңыр, қатты болады. Кеуде тұсында ақ дағы бар. Тас сусары тастардың астында, жартастарда, өлі ағаштарда, ағаш тамырларының астында жасырынады. Оның негізгі қорегі тышқан тәрізді кеміргіштер-тышқандар. Тас сусары негізінен түнгі және күндіз сирек кездеседі. Қыста оның белсенділігі қар мен қатты аяз кезінде айтарлықтай төмендейді. Ғылым, ақпарат және экологиялық мониторинг бөлімі.
- Толығырақ
2024 жылдың 1 қазаны күні "Тарбағатай" мемлекеттік ұлттық табиғи паркі директоры Серкебаев Айдын Серікұлы ұлттық паркке еңбек сіңірген ардагер-зейнеткерлерді ұжым атынан "Халықаралық қарттар күні" мерекесімен құттықтады. Ардагерлерге зор денсаулық, ұзақ ғұмыр, отбасыларына бақыт пен береке тілей отырып, сыйлықтармен, алғыс хаттармен марапаттады.
Қарт кісіні құт-береке деп танысақ - ол ұрпақ көрегендігі. Ұрпағы құрметтеген қарттар әр кезде де бақытты!
Баспасөз хатшысы Ә.Көбенова.
.
- Толығырақ
Қыркүйектің соңғы жексенбісінде Қазақстанда Еңбек күні атап өтіледі. Еңбек күні Қазақстан Республикасы Президентінің Жарлығымен 2013 жылғы қарашада жұмысшы мамандықтарына құрмет көрсету дәстүрлерін жаңғырту және ерте жастан еңбектің маңыздылығын түсіну, өнімді еңбекті ынталандыру мақсатында бекітілді.
Отандастарымызды Еңбек күні мерекесімен құттықтай отырып, еңбектеріне жеміс, толағай табыс тілейміз!
Аталмыш мерекені негізге ала отырып, оқырмандарымыздың назарына "Әлет" алма бағындағы бағбаншының бір күндігін ұсынбақпыз!
ЭАРТ бөлімі.
- Толығырақ
2024 жылдың 27-қыркүйегі күні "Тарбағатай" мемлекеттік ұлттық табиғи паркі" РММ директоры А.Серкебаевтың бастамасымен ұлттық парк қызметкерлері мен мемлекеттік инспекторлар Үржар аудандық Уақыт тынысы газетінің өкілдерімен және еріктілермен бірлесіп "Birge - taza Qazaqstan!" экологиялық акциясын өткізді.
Халықты экологиялық сауаттандыру мақсатында ұлттық парк аумағындағы демалушыларға Уақыт тынысы газетінің редакторы З.Тұраповамен мен мемлекеттік инспекторлар ЕҚТА-да болу қағидаларын түсіндіріп, жадынама қағаздарын таратты.
Сондай-ақ, Үржар ауданы орталығында жұртшылыққа табиғат аясына демалуға шыққанда санитарлық тазалықты сақтау және өрт қаупін болдырмау жөніндегі үнпарақтар үлестірді.
Экологиялық акцияға 20 адам атсалысты. Таратылған үнпарақтар мен жадынамалар саны - 200 дана.
- Толығырақ
27-қыркүйек “Дүниежүзілік туризм күніне” орай “Тарбағатай” мемлекеттік ұлттық табиғи паркінің Экологиялық ағарту, рекреация және туризм бөлімінің экскурсия жетекшілері Мақаншы ауданының Б.Жүнісов атындағы орта мектебінің 6-сынып оқушыларын “Қарабас” туристік маршрутына экскурсияға шығарды.
Оқушылар экскурсиядан алған әсерлерін сөзбен жеткізсе, сынып жетекшісі А.Альмджанова ұлттық парк қызметкерлеріне алғысын жаудырды.
Экскурсия жетекшісі: Ришат Көрпешов.
- Толығырақ
Ащылау алқа (Solanum dulcamara) алқалар тұқымдасы, алқа туысына жататын, биіктігі 4 метрге дейін жететін, жартылай бұталы өсімдік.
Сабағы төменгі жағында қырлы, жолында кездескен өсімдіктерге орала өседі. Гүлдері әдемі, көкшіл түсті шоғырланып, төмен қарай салбырап тұрады.
Жемісі қызыл түсті. Ашылау алқа ылғалды ормандарда, бұталардың арасында, өзен жағаларында, шабындықтарда өседі.
Ғылым, ақпарат және экологиялық мониторинг бөлімі.
- Толығырақ
Ағымдағы жылдың 20-қыркүйегі күні Экологиялық ағарту, рекреация және туризм бөлімінің ұйымдастыруымен ұлттық паркіміздің Ақтоғай өзенінің бойында «Дүниежүзілік тазалық күні (World Cleanup day 2024)» экологиялық акциясы өтті.
Акцияны өткізуге аталмыш аумаққа жауапты мемлекеттік инспекторлар мен мекеменің мамандары жұмылдырылды.
Акцияның мақсаты – қоршаған ортаны таза етуге көмектесу және табиғатқа қамқорлық пен экологиялық жауапкершіліктің қажеттілігін көрсету.
Қазіргі кезде бәрімізді қатты алаңдатып отырған жағдай – табиғатымыздың тікелей адамның іс-әрекетінен ластанып, бұзылуы. Табиғат зиянды қалдықтардан өздігінен тазалана алмайды. Сондықтан біздер осындай экологиялық сенбіліктерді ұйымдастыруға атсалысамыз.
Экологиялық ағарту инженері Әсем Көбенова.
Серкебаев Айдын Серікұлы
«Тарбағатай» мемлекетік ұлттық табиғи паркі» РММ директоры
"Тарбағатай" Ұлттық паркі. Сан. тазалау үшін ақы төлеу
"Тарбағатай" Ұлттық паркі. Көлікке арналған тұрақ ұсыну
