- Толығырақ
Табиғат Ананы қорғап қалу мәселесінде ағаштарға көңіл бөлудің, тал, шыбық отырғызуды ұмыт қалдырмаудың мәні зор. Осы тұрғыда ұлттық парк қызметкерлері жыл сайын “Парктер шеруі” және “Таза Қазақстан” экологиялық акциялары аясында ауқымды іс-шаралар атқаруда.
2025 жылдың 22-қаңтары күні "Тарбағатай" МҰТП-нің "Мақаншы" орманшылығының орманшылық басшысы Асхат Зейнолда мен орманшылық басшысының көмекшісі Ержан Шакировтың ұйымдастыруымен орман шебері Айдын Батырбаев пен оған қарасты мемлекеттік инспекторлар Мақаншы ауданының "Қаратұма орта мектеп-бақшасы" КММ-сінің 7-10 сынып оқушыларына "Орманды заңсыз ағаш кесуден қорғайық!" тақырыбында семинар сабақ өткізді.
Мемлекеттік инспекторлардың алға қойған мақсаттары - өскелең ұрпақтың бойында экологиялық мәдениетті қалыптастырып, жасыл желектерге қамқорлық көрсетіп, табиғатымызды қорғауға үлес қосуларына ықпал ету.
Себебі, ағаштар денсаулыққа пайдалы. Олар ауаны тазартады, көмірқышқыл газын жұтып, ауаға оттегі бөліп шығарады. Жердің ылғалдылығын реттейді. Тіпті күнделікті қолданып жүрген материалдарымыздың көбі осы ағаштан жасалады. Елімізде ағашты заңсыз кескен адам қылмыстық және әкімшілік жауапкершілікке тартылады. Бұрын мұндай заң бұзушылылық үшін аз ғана айыппұл салынып келсе, қазір заң түбегейлі өзгерді.
Ағаштарды кесуге рұқсат етілген және тіпті жоспарланған жағдайлар да бар. Алайда ол үшін арнайы рұқсат қажет. Кесуге жататын ағаштардың көлемін ұлттық паркіміздің Табиғи кешендер мен объектілерді өсіру және табиғатты пайдалану бөлімі анықтайды. Бұл ағаштар санатына қураған, зиянкестермен зақымдалған және шіріген немесе өрттен кейінгі ағаштар жатады. Олар орман ауруларын тудырып, сау ағаштарға қауіп төндіреді. Сондықтан оларды уақтылы алып тастап отыру керек. Инженерлер өз деректерін Абай облыстық орман шаруашылығы және жануарлар дүниесі аумақтық инспекциясына ұсынады. Осыдан кейін экологиялық сараптама жүргізіліп, Орман шаруашылығы және жануарлар дүниесі комитеті осы ағаштарды кесуге рұқсат береді.
Ағаштарды заңсыз кесудің алдын алу үшін жауапкершілікті күшейту және айыппұлдардың өсуі маңызды рөл атқарады. Алайда бұл жолда ең маңызды қадам – экомәдениетті қалыптастыру мен ерте жастан тәрбиелі білім беру. Ол тәрбие - экологиялық мәдениеттің маңызды құрамдас бөлігі. Осы тұрғыда семинар сабақты өткізуге ықпал еткен Мақаншы білім бөлімі басшысының м.а. Ноғаева Гүлзипа Мақашқызы мен "Қаратұма орта мектеп-бақшасы" КММ-сінің директоры Чушекова Ляйла Ахметқызына "Тарбағатай" мемлекеттік ұлттық табиғи паркі" Республикалық мемлекеттік мекемесінің атынан алғыс білдіреміз!
"Мақаншы" орманшылығының орманшылық басшысының көмекшісі: Ержан Шакиров.
- Толығырақ
"Тарбағатай" мемлекеттік ұлттық табиғи паркінің мемлекеттік инспекторлары күн сайын биотехниялық іс-шаралар кешенін және рейд шараларын жүзеге асырады. Бұл жұмыстар жабайы жануарларға қолайлы жағдай жасап, олардың санын арттыруға мүмкіндік беруде.
Ағымдағы жылдың 17-21 қаңтары күндері "Үржар" орманшылығының мемлекеттік инспекторлары жабайы аңдардың санын тұрақтандырып, оларды қорғау мақсатында бекітілген жұмыс жоспарына сәйкес биотехникалық іс-шара жүргізді. Жабайы аңдар мен құстарға 35 бума бұтақты азық, 3 қап жем дайындалды.
Биотехниялық іс-шаралар – бұл табиғатты сақтауға жасалған маңызды қадам. Жабайы жануарлардың санының көбеюі – біздің еңбегіміздің жемісі!
"Үржар" орманшылық басшысының көмекшісі: Мақпал Аманғазы.
- Толығырақ
"Тарбағатай" МҰТП" РММ-сінің "Қарабұйрат" орманшылығының √10-14 мастерлік учаскесінің орман шебері Е.Лауенов және оған қарасты мемлекеттік инспекторлар Б.Касенбаев, Б.Бегешев, Н.Нурмуханов 2025 жылдың 16-қаңтарында аумақта биотехникалық іс-шара жүргізді. Іс-шара шеңберінде тұяқты жануарлар мен құстарды азықтандыруға арналған 2 қап жем мен 30 дана бұтақты азық дайындалды.
Бұл жұмыстар жабайы жануарлар мен құстардың өсімін молайтуға және оларды қорғауға бағытталған. Табиғатқа қамқорлық – біздің ортақ міндетіміз! "Қарабұйрат" орманшылығының жұмысы экожүйені сақтап қалуға және жабайы жануарлар тіршілігіне қолайлы жағдай жасауға көмектеседі.
"Қарабұйрат" орманшылығының мемлекеттік инспекторы: Б.Касенбаев.
- Толығырақ
”Үржар” орманшылығының орман шебері Е.Жүнісов және оған қарасты мемлекеттік инспекторлар К.Гергенрейдер, Е.Гергенрейдер, А.Құрал аумақта рейдтік іс-шара жүргізуде.
Рейд барысында аумақта заң бұзушылық және орман заңнамасын бұзушылық фактілері тіркелген жоқ.
Мемлекеттік инспектор: Е.Гергенрейдер.
- Толығырақ
Жұртшы ( Neophron percnopterus) – сұңқартәрізділер отрядының қаршыға тұқымдасына жататын жұртшылар туысының (Neophron) бір жалғыз түрі, жыртқыш құс.
• Физикалық сипаттамасына келер болсақ, дене салмағы 1,5-2,5 кг аралығында болады. Денесінің ұзындығы – 60-75 см, қанатын жайғандағы ұзындығы – 150-180 см.
• Наурыздың ортасынан мамырға дейін екі жұмыртқа салады, оларды аталығы мен аналығы да бірлесіп қарайды. Балапандар 40 күннен кейін шығады, 70-90 күннен ұша бастайды.
• Наурыздың аяғы, сәуірдің басына қарай ұшып келеді, қыркүйектің соңына қарай ұшып кетеді.
• Саны жыл сайын қысқарып жатқандықтан, Қазақстанның Қызыл кітабына ІІІ санат бойынша тіркелген.
Ғылым, ақпарат және экологиялық мониторинг бөлімі.
- Толығырақ
"Үржар" орманшылығының №5 мастерлік учаскесінің орман шебері Е.Жунусов және оған қарасты мемлекеттік инспекторлар №31 орамға биотехниялық іс-шара шеңберінде тұяқты жануарларды азықтандыруға арналған 15 бума бұтақты жем орналастырды. Аталмыш іс-шара экожүйені сақтап қалуға және жабайы жануарларға қолайлы жағдай жасауға көмектеседі.
Рейд барысында аумақта заң бұзушылық және орман заңнамасын бұзушылық фактілері тіркелген жоқ.
Аумақтан елік, түлкі және қоянның іздері байқалды.
"Үржар" орманшылық басшысының көмекшісі: М.Аманғазы.
- Толығырақ
ҚР Президентінің 2 млрд. ағаш отырғызу жөніндегі тапсырмасын іске асыру шеңберінде 2025 жылдың қаңтар айының 14-і күні "Тарбағатай" мемлекеттік ұлттық табиғи паркі Жас орманшылар одағымен бірлесіп, "Таза Қазақстан - 2025" экологиялық акциясына орайластырылған "Ағаштардың экологияға пайдасы" тақырыбында экологиялық акция өтті.
Экологиялық акция Абылайхан орта мектебінде өтті. Іс-шараға Үржар ауданына қарасты 5 мектептің Жас орманшылар одағының құрамы жұмылдырылды. Сондай-ақ, "Уақыт тынысы" аудандық газетінің өкілі А.Оспанов қатысты.
Жас орманшыларды табиғатымызды қорғау, орман молықтыру жұмыстарына тартып, көшеттерді өсіруді тәжірбие жүзінде көрсетіп, құтыларға тұқымдар екті. Аталмыш акция жас жеткіншектердің бойында экологиялық мәдениетті қалыптастыру, еңбекке баулу, жасыл желектерге қамқорлық көрсетіп, табиғатымызды аялауға үлес қосатынына сеніміміз мол.
Экологиялық акцияға жалпы саны 95 адам қатысып, 150 дана кәдімгі қарағай тұқымы отырғызылды. Алдағы уақытта да табиғатымызды қорғау жолында атқарылатын іс-шараларымыз қарқынды түрде жүзеге асырылып, еліміздің экологиялық мәдениетін дамыту жолындағы жұмыстар жүйелі түрде жүргізілетін болады.
Рекреация және туризм инженері: Д.Тоқтасынұлы.
Серкебаев Айдын Серікұлы
«Тарбағатай» мемлекетік ұлттық табиғи паркі» РММ директоры
"Тарбағатай" Ұлттық паркі. Сан. тазалау үшін ақы төлеу
"Тарбағатай" Ұлттық паркі. Көлікке арналған тұрақ ұсыну
