- Толығырақ
Ағымдағы жылдың 30 қарашасында Орман шаруашылығы және жануарлар дүниесі комитетінің төрағасы Д.Ғ. Тұрғамбаев Шығыс Қазақстан және Абай облыстарының табиғат қорғау мекемелерінің басшыларын тыңдады.
Кеңесте өткен кезеңдегі жүргізілген жұмыстардың қорытындылары, проблемалық мәселелерді шешу жолдары талқыланды. Орман шаруашылығы және жануарлар дүниесі комитетінің төрағасы Д.Ғ. Тұрғамбаев тыңдау қорытындысы бойынша Катонқарағай және Тарбағатай мемлекеттік ұлттық табиғи парктерінің, Марқакөл және Батыс Алтай табиғи қорықтарының, «Семей орманы» орман резерватының басшыларына ормандарды өрттен қорғау және заңсыз ағаш кесу, ормандарды молықтыру және орман өсіру, ғылыми-зерттеу, экологиялық-ағарту және туристік-рекреациялық қызмет бойынша жұмыстарды жүргізуге ерекше назар аудару, сондай-ақ мекемені басқару жоспарына сәйкес барлық бағыттар бойынша жұмысты жалғастыруды тапсырды.
Баспасөз хатшысы: Ә.Көбенова.
- Толығырақ
"Тарбағатай" мемлекеттік ұлттық табиғи паркінің инспекторлары өздерінің қызметтерін бекітіліп берілген аймақта жүзеге асырады. Әр инспектордың құзырет аймағы заңнамалық құжаттармен нақты айқындалады. Бұл инспекторларға қызметтік міндеттерін тиімді атқаруға мүмкіндік береді.
Жұмыс барысында мемлекеттік инспекторлар заңнамаларға сәйкес аумақты бақылау мен қадағалау функцияларын орындайды, заң бұзушылықтарды анықтау және оларды жою бойынша шаралар қабылдайды және орманшылық басшысына аумақ бойынша бақылау іс-шаралары туралы күнделікті есеп беріп отырады.
Видеотүсірілім жасаған: мемлекеттік инспектор Е.Гергенрейдер;
Мәтінін жазған: баспасөз хатшысы Ә.Көбенова.
- Толығырақ
2025 жылғы Жаңа жыл мерекесі қарсаңында қылқан жапырақты жас ағаштарды қорғауды күшейту шаралары.
Жаңа жыл мерекесіне дайындық кезеңінде орман шаруашылығы қызметкерлері қылқан жапырақты түрлердің жас ағаштарын қорғау шараларын күшейтеді. 1 желтоқсаннан бастап құқық қорғау органдарының қатысуымен мобильді топтар жұмысын бастайды, басты міндеті — заңсыз ағаш кесудің алдын алу.
«Жаңа жылдық шыршаларды» дайындау тек жоспарлы кесу жұмыстарының аясында жүзеге асырылуға рұқсат етіледі, ал олардың сатылуы тек тиісті құжаттардың болуымен мүмкін болады. Орманшылар азаматтарды орман ресурстарына қамқорлықпен қарауға және белгіленген ережелерді сақтауға шақырады.
Толық ақпаратты ресми ресурстардан алуға болады.
Бұл электронды пошта мекен-жайы спам-боттардан қорғалған. Көру үшін сіздің браузеріңізде JavaScript қосулы тұруы тиіс.
- Толығырақ
Сұр шіл (Perdix perdix) – шілдер тұқымдасының кең таралған түр. Әр түрлі шөпті далаларда бұталар мен орманды шоқ ағаштар, жазықтар мен өзен алқаптарында өмір сүреді. Негізінен көп уақытын жерде өткізеді, шөптер мен бұталардың қалың өсімдіктері оны жыртқыштардан қорғайды. Шілдердің аяқ бұлшық еттері дамыған, сондықтан ол тез жүгіреді және кедергілерді жақсы еңсереді. Қыста және күзде топтасып өмір сүреді. Көктемде көбею кезеңінде жұпқа бөлінеді. Әрбір жұптың ұя салу үшін өз учаскесі болады.
Құр (Lyrurus tetrix) – қоныс аударатын құс емес және қыста жылы аймақтарға ұшпайды. Қыс мезгілінде құр көп уақытын қарда өткізеді. Бұл құстар өздеріне қалың қар қабатында шұңқыр жолдар қазып алады. Өмірінің көп бөлігінде бұл құстар белгілі бір аумақты мекендейді. Азық-түлік жетіспесе, олар ең жақсы жем-шөп базасы бар жерлерге ұшып қонады.
Мемлекеттік инспектор: Екатерина Гергенрейдер.
- Толығырақ
«Тарбағатай» мемлекеттік ұлттық табиғи паркінің ғылыми қызметкерлері 2024 жылдың 19-20 қарашасы күндері ұлттық парктің 4 орманшылығының орман шеберлері мен мемлекеттік инспекторларына «Ұлттық парк аумағындағы тізімделген флора мен фауна өкілдерімен танысу» атты семинар өткізді. Семинар барысында 2024 жылы флора мен фаунаның жаңадан анықталған түрлерімен таныстырып, климаттың өзгеруін түсіндірді. Сондай-ақ, парк аумағында жиі кездесетін құстар мен қызыл кітапқа енген өсімдіктердің анықтамалығын таратты.
Ғылым, ақпарат және экологиялық мониторинг бөлімі.
- Толығырақ
"Абай облысы бойынша облыстық орман шаруашылығы және жануарлар дүниесі аумақтық инспекциясы" РММ 2024 жылдың өткен өрт қауіпті кезеңі бойынша жұмыс кездесуін ұйымдастырды.
Кездесуге төтенше жағдайлар департаментінің, Табиғи ресурстар және табиғат пайдалануды реттеу басқармасының өкілдері, қазавиаақорғау, "Тарбағатай" МҰТП және "Семей орманы" МОТР табиғат қорғау мекемелерінің мамандары мен басшылық құрамы қатысты.
Кеңес барысында ормандарды өрттен қорғау, табиғат қорғау заңнамасын бұзу, статистикалық деректер қорытындылары шығарылды. Сондай-ақ, өрт қаупі кезеңінің басталуы мен орналасқан жерлері бойынша тікұшақтардың патрульдік борттарын уақтылы қою, орман өрт станцияларының қызметкерлерін орман өрттерін ұйымдастыру және сөндіру тактикасына оқыту, түгендеу және консервациялау, өртке қарсы техниканы жөндеу және дайындау мәселелері қозғалды.
Сонымен қатар, табиғатты қорғау мекемелерінің басшылығынан өзара іс-қимыл жасайтын құрылымдар жұмысының келісімділігі және өртті жою барысы туралы халықты хабардар ету мақсатында өрт кезінде деректерді берудің жеделдігі мен дұрыстығы үшін байланыс арнасының сапасын арттыру және жақсарту туралы ұсыныс келіп түсті.
Соңында төрағалық етуші құрам шағын аудандардағы өрттерді оқшаулау бөлігінде орман және өрт күзеті қызметкерлерінің тамаша қызметі үшін алғысын білдірді.
Ұлттық парктің баспасөз қызметі.
- Толығырақ
Ұлттық парктің ғылыми қызметкерлері мен мемлекеттік инспекторлары далалық жұмыстар жүргізу барысында 3 Сібір елігін кездестірді. Қазіргі уақытта таудағы қардың қалыңдығы 35 см жеттіп, еліктер үшін қорек табу қиынға соғуда. Сол себепті еліктер таулы аймақтан жазық жерлер мен өзен аңғарларына қарай көшіп қонуда.
Көші-қон кезінде үйірімен топтасқан еліктер көлік жолын кесіп өтіп, жүйткіп келе жатқан көлікке жиі соғылады. Әсіресе, қар жауып тұрғанда немесе боранды күндері оларды алыстан аңғару қиынға соғады. Сондықтан жануарлардың көші-қоны орын алып жатқан мерзімде көлік жүргізушілеріне сақ болуды ескертеміз!
Ғылым, ақпарат және экологиялық мониторинг бөлімі.
Серкебаев Айдын Серікұлы
«Тарбағатай» мемлекетік ұлттық табиғи паркі» РММ директоры
"Тарбағатай" Ұлттық паркі. Сан. тазалау үшін ақы төлеу
"Тарбағатай" Ұлттық паркі. Көлікке арналған тұрақ ұсыну
