- Толығырақ
5 маусымда елімізде кәсіби мереке – Эколог күні атап өтіледі. Барлық табиғат қорғаушыларына, қоршаған ортаны қорғау жөніндегі мамандарға, барлық қоғам қайраткерлеріне — экологтар мен белсенділерділерге кәсіби мерекелеріңіз құтты болсын дегіміз келеді.
Баршаңызға зор денсаулық, қажымас қайрат және амандық тілейміз!
«Тарбағатай» МҰТП ұжымы.
- Толығырақ
Мемлекеттік рәміздеріміз — тәуелсіздігіміздің айғағы деп білеміз. «Туы биік елдің – тұғыры биік» деген дана халқымыз. Тәуелсіздігіміздің тұмарына айналған мемлекеттік рәміздеріміз болашаққа бастаған ұлы көшімізді демеп, игі істерімізді қолдай берсін!
Бірлігіміз жарасып, еліміздің жарқын болашаққа бастар жолында нық қадам жасап, ынтымағы жарасқан ел болайық! Әрдайым еліміз тыныш, халқымыз аман, рәміздіріміздің мәртебесі биік болсын!
«Тарбағатай» мемлекеттік ұлттық табиғи паркі ұжымы.
- Толығырақ
Өрттің пайда болуын болдырмау үшін ЕҚТА-да мінез-құлық ережелерін сақтау қажет.
Тыйым салынады:
- жанып тұрған сіріңкелерді, темекі тұқылдарын, жанып тұрған шүберектерді лақтыруға;
- ағаш, шымтезек қоймаларының жанында, піскен дақылдарға жақын жерде тығыз қопаларда және төмен ілулі ағаш шатырларының астында от жағуға;
- өздігінен жанатын материалдарду қалдыруға: майға немесе бензинге малынған шүберектер, күн сәулесін тартатын және құрғақ өсімдіктерді тұтататын шыны ыдыстар;
- құрғақ шөпті орман алқаптарында, бақтарда, егістіктерде, ағаштардың астында өртеуге;
- қамысты өртеуге;
- тез тұтанатын сұйықтықтармен немесе желді ауа-райында от жағуға;
- отты қараусыз немесе сөндірусіз қалдырып, автотұрақтан кетуге.
Егер белгілі бір аймақта арнайы өртке қарсы режим енгізілсе, ол жойылғанға дейін келуге қатаң тыйым салынады.
Мемлекеттік инспектор К.Гергенрейдер.
- Толығырақ
2024 жылдың 26 наурызында бастау алған Республикалық маңызы бар «Парктер шеруі – 2024» халықаралық табиғатты қорғау акциясы 31 мамыр күні аяқталды. Бүгінгі жабылу салтанатына жалпы саны 150 адам қатысты.
Жалпы қорытынды есеп бойынша мектеп аралық командалардың арасынан байқауға белсене қатысып, «Парктер шеруі – 2024» халықаралық табиғатты қорғау акциясының кубогын Үржар ауылына қарасты «Абай орта мектебі» КММ-сі иеленді. Жүлдегерлерді марапаттау рәсімі Үржар аудандық тарихи-өлкетану музейінде өткізілді. Аталмыш акцияға үлес қосқандар Үржар аудан әкімінің алғыс хатымен марапатталса, жеңімпаздар ұлттық парк директоры А.Серкебаевтың мадақамасымен марапатталып, түрлі сыйлықтар иеленді.
«Тарбағатай» мемлекеттік ұлттық табиғи паркі» РММ директоры орынбасарының м.а. Н.Дүйсекенов Бүкілқазақстандық акцияға қатысушылардың бір кісідей атсалыссқандарына рахмет айтып, болашақта жеңімпаздар бұдан да үлкен жетістікке жетіп, жыл сайын белсене қатысатындарына сенім артып, алғыс білдірді. Қатысушылар өз ризашылықтарын білдіріп, келер жылы өтетін «Парктер шеруі» акциясында жеңімпаз атанып, биіктерден көрінетіндіктеріне сенімді.
Жыл сайын өткізіліп келе жатқан «Парктер шеруі» халықаралық табиғатты қорғау акциясы жас ұрпақ буынды табиғатты сүюге, аялауға, көз қарашығындай сақтауға, экологиялық мәселерге оң көзқараспен қарап табиғат тазалығын сақтауға ықпал ететініне сеніміміз мол!
Экологиялық ағарту инженері Ә.Көбенова.
- Толығырақ
«Тарбағатай» мемлекеттік ұлттық табиғи паркінің ғылыми қызметкерлері мен экскуция жетекшісі 2024 жылдың 29 мамыр күні Абылай хан атындағы орта мектеп-бақшасы» КММ-де «Мектептің ғылыми жобаларына арналған «Тарбағатай» Мемлекеттік ұлттық табиғи паркінің ғылыми-зерттеу базасы» атты семинар өткізді.
Семинарға жаратылыстану бағытында сабақ беретін ұстаздар қатысты. Семинар барысында:
1. Мектептің ғылыми жобаларына арналған «Тарбағатай» Мемлекеттік ұлттық табиғи паркінің ғылыми-зерттеу базасы туралы түсінік;
2. Ғылым, ақпарат және экологиялық мониторинг бөлімінің жұмыс бағыты және ғылыми-зерттеу тақырыптары;
3. Мектеп ұстаздарының, оқушыларының ұлттық паркпен бірлесіп атқарылатын жұмыстары;
4. Ұлттық паркпен ынтымақтастықтың тиімді тұстары;
5. Ерекше қорғалатын табиғи аумақты пайдаланғаны үшін төлемақы мөлшерлері туралы айтылды.
Ғылым, ақпарат және экологиялық мониторинг бөлімі.
- Толығырақ
28-мамыр күні Экологиялық ағарту, рекреация және туризм бөлімі мен Үржар аудандық «Жастар ресурстық орталығының» қызметкерлері «Парктер шеруі – 2024» Халықаралық табиғатты қорғау акциясы шеңберінде қатысушылардың әзірлеген құс ұяшықтарын ағаштардың бастарына орнатты.
Біздің халық ежелден-ақ құстарға әуес, оларға деген сүйіспеншіліктерін шексіз дәріптеп, ең жақсы көретін адамды құсқа, сұлуын аққуға, батырын қыранға, әншісін бұлбұлға теңеп, халық аңыздарында қанатты достарымызды айлалы, ақылды етіп көрсеткен.
Бейбітшіліктің, бастандық пен бақыттың жаршысы бола білген қанатты тіршілік иелеріне қамқор болу баршамыздың міндетіміз деп білеміз. «Құстарға қамқоршы болайық!» акциясы келесі көктемде де жалғасын табатынына сеніміміз мол.
Акцияға қатысушылар саны – 12 адам.
Экологиялық ағарту, рекреация және туризм бөлім басшысының м.а. Дәулет Тоқтасынұлы.
- Толығырақ
Алтай, суыр (Marmota baibacina) — Қазақстандағы суыр тұқымдасының ең ірі кеміргіші.
Дене ұзындығы 70 см-ге дейін, салмағы 8 кг. Гон наурыз – сәуір айларында болады, жүктілік кезеңі 40 күнге созылады. Олар тек ана сүтімен қоректенеді, ал 40 күнде олар бетіне шығып, шөп жей бастайды. Мамыр айының басында 5-6 күшіктен ұрпақ әкеледі.
Алтай суыры 10-12 суырдың бүкіл отбасы тұратын шұңқырларды қазады.
Күзге қарай ол 1,5-2 кг май жинайды және қысқы ұйқыға кетеді. Ол 7 ай ұйықтайды. Күнделікті және маусымдық белсенділік ауа-райына және жердің биіктігіне байланысты. Әдетте, суыр таңертең және кешке белсенді болады, бірақ оны жиі мазалайтын тау бөктерінде белсенділік түнгі уақытқа ауысады.
Авторы: ғылым, Ақпарат және экологиялық мониторинг бөлімі.
Серкебаев Айдын Серікұлы
«Тарбағатай» мемлекетік ұлттық табиғи паркі» РММ директоры
"Тарбағатай" Ұлттық паркі. Сан. тазалау үшін ақы төлеу
"Тарбағатай" Ұлттық паркі. Көлікке арналған тұрақ ұсыну
