- Толығырақ
Ұлттық қасиетіміз бен ұлттық құндылықтарымызды ұлықтап, ұлттық намысымызды оятқан, әлемге қазақты азаттық сүйгіш, рухы биік, намысы берік халық ретінде жариялаған Тәуелсіздік күні құтты болсын!
Еліміздің дәулеті, жеріміздің сәулеті жолындағы игілікті істеріңіз табысты болсын!
Ізгі ниетпен: Ұлттық парктің баспасөз қызметі.
- Толығырақ
Су - адамзатқа қажетті табиғи ресурс, Ал табиғи ресурстар шектеулі болғандықтан суды үнемдеу арқылы табиғатымызды болашақ ұрпаққа сақтаймыз. Егер суды дұрыс пайдаланбасақ, таза су қоры азайып, су тапшылығы пайда болады.
Осы мақсатта "Тарбағатай" мемлекеттік ұлттық табиғи паркінің Ғылым, ақпарат және экологиялық мониторинг бөлімі мен Экологиялық ағарту, рекреация және туризм бөлімінің қызметкерлері Қызылту ауылының "Кішкенетау" орта мектебінің 5-9 сынып оқушыларымен "Таза Қазақстан" экологиялық акциясы шеңберінде "Су - тіршілік көзі!" атты экологиялық акция өткізді.
Экологиялық акция барысында мектеп оқушылары суды үнемдеу туралы суреттер салып, көрме ұйымдастырды. Сондай-ақ, әрқайсысы суды күнделікті тұтыну кезінде үнемдеу керектігі туралы өз пікірлерімен бөлісіп, сумен байланысты мақал-мәтелдер мен нақыл сөздер айтты. Ұлттық парк қызметкерлерінің әзірлеген слайдтарын тамашалай отырып, лекция тыңдап, өздеріне қажетті мағлұматтар алды. Оқушыларға суды үнемдеудің маңызы туралы бүктемелер үлестірілді.
Су көздерін үнемдеу, табиғи ресурстарды қорғау әр адамның міндеті! Күнделікті әрекеттеріміз арқылы табиғатты қорғауға үлес қосайық!
Экологиялық ағарту инженері: Әсем Көбенова.
- Толығырақ
11 желтоқсан – Халықаралық Тау күні. Бұл мерекені 2003 жылы БҰҰ Бас Ассамблеясы бекіткен болатын. Оның негізгі мақсаты – таулы аймақтарды дамыту, табиғи рельефті сақтау және сол аймақ тұрғындарының өмір сапасын арттыру.
Осы ерекше күнге орай “Тарбағатай” ұлттық паркінің қызметкерлері Бестерек ауылының М.Хасенов атындағы орта мектебінің 3-сынып оқушылары үшін қызықты әрі танымдық іс-шара ұйымдастырды. Балаларға табиғаттың, соның ішінде таулардың маңыздылығы туралы дәріс оқылып, тау суретін салу бойынша байқау өткізілді.
✨ Байқау жеңімпаздары:
Бас жүлде – Пахриддинова Милана;
1-орын – Темірбаев Бекжан;
2-орын – Мақсат Бағынар;
3-орын – Қабдеш Әсем.
Оқушылардың табиғатқа деген қызығушылығы мен шығармашылық қабілеттері ерекше байқалды. Іс-шара соңында барлық қатысушыларға тәттілер таратылып, мерекелік көңіл-күй сыйланды. Ал жеңімпаздар ұлттық парк директоры А.Серкебаевтың мадақтамасымен және сыйлықтармен марапатталды.
Бұл бастама – таулардың адам өміріндегі маңызын түсіндірумен қатар, табиғатты қорғауға деген жауапкершілікті арттырудағы маңызды қадам. М.Хасенов атындағы орта мектебінің ұжымына алғысымыз шексіз!
Табиғатты бірге қорғайық! Тауларымызды сақтайық!
Экологиялық ағарту инженері: Әсем Көбенова.
- Толығырақ
2024 жылдың 05 желтоқсаны күні «Тарбағатай» МҰТП-нің Келісу комиссиясының мүшелері еңбек заңнамасын негізге ала отырып, "Еңбек даулары, олардың туындау себептері. Келісу комиссиясында еңбек дауларын шешу тәртібі" тақырыбында оқытудан өткенін растайтын сертификат иеленді.
Ұлттық парктің баспасөз қызметі.
- Толығырақ
2024 жылдың 04-желтоқсаны күні "Тарбағатай" мемлекеттік ұлттық табиғи паркінің директоры А.Серкебаевтың төрағалығымен Қарабұйрат, Үржар, Мақаншы, Бақты орманшылығының қызметкерлеріне жалпы жиналыс өтті.
Жиналыс барысында қозғалған мәселелер:
- Ұлттық парк аумағында браконьерлікке қарысы және орман заңнамасын бұзушылық фактілерінің алдын алу мақсатында күзету жұмыстарын күшейту;
- жергілікті учаскелік полиция инспекторларымен, басқа да табиғат қорғау мекемелерінің қызметкерлерімен бірлескен рейттік іс-шара жүргізу;
- 2025 жылға арналған жылдық жоспар, жол картасын жасау;
- орманды жанама пайдалану, яғни ұлттық парк аумағында мал жаю бойынша халыққа түсіндірме жұмыстарын жүргізу;
- ЕҚТА заңының сақталуын қамтамасыз ету;
- Үржар, Мақаншы аудандарының ауылдық округтерінде өткізілетін жиындарға қатысу;
- "Сыбайлас жемқорлыққа қарсы іс-қимыл туралы" Заңы мен "Азаматтық қызметшілердің Әдеп кодексін бекіту туралы" Кодекс талаптарының сақталуы.
Баспасөз хатшысы: Ә.Көбенова.
- Толығырақ
Ағымдағы жылдың 30 қарашасында Орман шаруашылығы және жануарлар дүниесі комитетінің төрағасы Д.Ғ. Тұрғамбаев Шығыс Қазақстан және Абай облыстарының табиғат қорғау мекемелерінің басшыларын тыңдады.
Кеңесте өткен кезеңдегі жүргізілген жұмыстардың қорытындылары, проблемалық мәселелерді шешу жолдары талқыланды. Орман шаруашылығы және жануарлар дүниесі комитетінің төрағасы Д.Ғ. Тұрғамбаев тыңдау қорытындысы бойынша Катонқарағай және Тарбағатай мемлекеттік ұлттық табиғи парктерінің, Марқакөл және Батыс Алтай табиғи қорықтарының, «Семей орманы» орман резерватының басшыларына ормандарды өрттен қорғау және заңсыз ағаш кесу, ормандарды молықтыру және орман өсіру, ғылыми-зерттеу, экологиялық-ағарту және туристік-рекреациялық қызмет бойынша жұмыстарды жүргізуге ерекше назар аудару, сондай-ақ мекемені басқару жоспарына сәйкес барлық бағыттар бойынша жұмысты жалғастыруды тапсырды.
Баспасөз хатшысы: Ә.Көбенова.
Серкебаев Айдын Серікұлы
«Тарбағатай» мемлекетік ұлттық табиғи паркі» РММ директоры
"Тарбағатай" Ұлттық паркі. Сан. тазалау үшін ақы төлеу
"Тарбағатай" Ұлттық паркі. Көлікке арналған тұрақ ұсыну
