- Толығырақ
"Тарбағатай" мемлекеттік ұлттық табиғи паркінің көлік жүргізушісі Тоқтаров Әлібай Төкенұлы ауданымыздың әлеуметтік-экономикалық дамуына үлес қосқаны және өз жұмысына деген адалдығы үшін 1-наурыз "Алғыс айту" күні және Қазақстан Халқы Ассамблеясының 30 жылдық мерекесіне орай Үржар ауданының әкімі Башимбаев Ақылбек Жұмабекұлының алғыс хатымен марапатталды.
Әлібай Төкенұлына зор денсаулық, мол бақыт, еңбегіне табыс тілейміз!
Ұлттық парктің баспасөз қызметі.
- Толығырақ
#ЖұмысшыМамандықтарЖылы
#minecology #qazaqormany
#аңшылықтанушы
#ОрнитологтарКүні
#Орнитология
#ТабиғаттыҚорғау
#ЖануарлардыҚорғау
#Табиғат
#тарбағатаймұтп
@qazaqormany
@oti_abai
- Толығырақ
2025 жылдың 27-ақпаны күні Экологиялық ағарту, рекреация және туризм бөлімінің экскурсия жетекшілері Э.Баженов пен Р.Көрпешов экологиялық мәдениетті дамыту және қоршаған ортаны қорғау мақсатында Ақжар ауылының "Б.Тұрлыханов атындағы орта мектебі" КММ-сінің 7-8 сынып оқушыларына "Таза Қазақстан" және "Біртұтас тәрбие" экологиялық бағдарламалары шеңберінде "Электр энергиясын және суды үнемдеу" тақырыбында семинар сабағын өткізді.
Семинарға 68 оқушы қатысты.
ҰП баспасөз қызметі.
- Толығырақ
Қыс мезгілінде адамдар мекен ететін аумақтарда азық мол болатындықтан, тоқылдақтар адамдарға жақын жерлерде қыстайды. Елді мекеннің жанында жиі кездесетін зақымданған және ауру ағаштар қабығындағы көптеген жәндіктер тоқылдақтардың басты азығы болып табылады.
Тоқылдақ ешқашан сау ағаштарға зиянын тигізбейді. Шіріген және зақымданған ағаштар оған қызықтырақ, өйткені онда қоректенетін көп азық бар. Ағаш діңімен тоқылдақ спираль тәрізді жол салып жоғарылайды және де ешқашан басымен төмен салбырап тұрмайды. Бұл оның вестибулярлық аппаратының ерекшелігіне байланысты.
Мемлекеттік инспектор: Е.Гергенрейдер.
- Толығырақ
2025 жылдың ақпан айының 19-ы күні ұлттық парктің Ақсуат ауданында орналасқан Үштөбе мастерлік учаскесінің орман шебері Қ.Жүнісов пен мемлекеттік инспекторлары да "Таза Қазақстан!" экологиялық бағдарламасы шеңберінде жасыл желектерді сақтауға және көгалдандыруды арттыруға бағытталған "Жасыл аймақ" экологиялық акциясына атсалысты.
Акция барысында "Өкпеті орта мектебі" КММ-сінің 7-9 сынып оқушыларынан 28 балаға лекция өткізіліп, артынша 20 контейнерге 60 дана кәдімгі қарағай тұқымы отырғызылды.
Аталмыш акция барысында оқушылар кәдімгі қарағай тұқымдарын отырғызуды үйреніп, көшеттерін өсірудің барлық сатыларымен хабардар етілді.
Экологиялық ағарту инженері: Ә.Көбенова.
- Толығырақ
Түлкілер індерінде артық азық сақтамайды, сондықтан олар күн сайын құстарды, тышқандарды және басқа да ұсақ жануарларды аулайды. Артық азықтарын оқшауланған жерде жасырып, ашыққан кезінде сол жерге оралады. Қыста ол көбінесе қарда домаланып ұйықтайды.
Түлкінің қыста аңды дәл аулауы таңқаларлық. Қардың астындағы, тіпті қалың қар қабатының астындағы кез келген ұсақ жануарлар міндетті түрде ұсталып, желінеді. Түлкі - аң аулауы 98 %-ға сәтті аяқталатын жалғыз жыртқыш. Себебі оның есту, иіскеу және керемет көру қабілеті жақсы дамыған.
Мемлекеттік инспектор: Е.Гергенрейдер.
- Толығырақ
2025 жылдың 20 ақпаны күні Абай облысы бойынша Сыбайлас жемқорлыққа қарсы іс-қимыл департаментінің Превенция басқармасының басшысы Толыбеков Нұржан Нұрлыбекұлы “Тарбағатай” мемлекеттік ұлттық табиғи паркі қызметкерлерімен “Сыбайлас жемқорлық тәуекелдерінің сыртқы талдау жұмыстары” бойынша қорытынды кездесу өткізіп, олармен әңгімелесу жүргізді.
Жиналыс барысында ұлттық парк директоры Серкебаев Айдын Серікұлы мемлекеттік инспекторларға ұлттық парк аумағында браконьерлікке қарсы күресті күшейту, орман заңнамасын бұзушылық фактілерінің алдын алу, сондай-ақ ерекше қорғалатын табиғи аумақтар (ЕҚТА) туралы заңның сақталуын қамтамасыз ету жөнінде нақты тапсырмалар берді.
Ұлттық парк директорының орынбасары (м.а.), заңгер Дүйсекенов Нұрлан Ақашұлы “Сыбайлас жемқорлыққа қарсы іс-қимыл туралы” заң мен “Азаматтық қызметшілердің Әдеп кодексін бекіту туралы” кодекс талаптарын қатаң сақтау қажеттігін ескертті.
Қорытындылай келе, мекемеде сыбайлас жемқорлықтың алдын алу және оған қарсы пәрменді күрес жүргізу үшін қызметкерлердің құқықтық сауаттылығын арттыру және жемқорлыққа жол бермеу маңызды екені атап өтілді.
Баспасөз хатшысы: Ә.Көбенова.
Серкебаев Айдын Серікұлы
«Тарбағатай» мемлекетік ұлттық табиғи паркі» РММ директоры
"Тарбағатай" Ұлттық паркі. Сан. тазалау үшін ақы төлеу
"Тарбағатай" Ұлттық паркі. Көлікке арналған тұрақ ұсыну
