“Таза Қазақстан” Жалпыұлттық экологиялық бағдарламасы аясында өңірде табиғатты қорғауға бағытталған кезекті игі шара ұйымдастырылды. Атап айтқанда, “Тарбағатай” МҰТП” РММ, Үржар ауданы әкімдігі және ауылдық округтердің бірлесуімен Егінсу ауылының кіреберіс жол бойындағы 3 шақырым аумаққа ағаш отырғызу жұмыстары жүргізілді.

 

 Акция барысында жалпы саны 1200 түп ағаш көшеті егілді. Табиғатты қорғауға бағытталған бұл шараға 250 адам белсенді қатысып, туған жердің экологиялық жағдайын жақсартуға өз үлестерін қосты.

 

 Шараның басты мақсаты – қоршаған ортаны қорғау, жасыл желекті көбейту және халық арасында экологиялық мәдениетті қалыптастыру.

 

 Табиғатты аялау – әрбір азаматтың ортақ міндеті. Осындай игі істер арқылы келешек ұрпаққа таза әрі көрікті орта қалдыру – басты мақсат.

 

 Экологиялық ағарту инженері: Ә.Көбенова