2026 жылдың 30 мамыры күні 5 маусым – Дүниежүзілік қоршаған ортаны қорғау күніне орай және «Таза Қазақстан» жалпыұлттық экологиялық бастамасын ілгерілету, сондай-ақ тұрғындардың экологиялық мәдениетін қалыптастыру мақсатында «Тарбағатай» мемлекеттік ұлттық табиғи паркі» РММ Үржар аудандық әкімдігімен, эко-белсенділермен және жергілікті тұрғындармен бірлесіп, «Сенбілік жұмыстары – тазалық таразысы» атты экологиялық акция өткізді.
Акция барысында қатысушылар белгіленген аумақтарды тұрмыстық қалдықтардан, шөп-шаламнан тазартты.
Іс-шараға ұлттық парк қызметкерлері, аудан әкімдігі өкілдері, эко-белсенді жастар және жергілікті тұрғындар белсенді қатысып, ортақ іске өз үлестерін қосты.
Табиғатты аялау – әр азаматтың парызы. Осындай экологиялық акциялар қоршаған ортаның тазалығын сақтауға және қоғамда экологиялық мәдениетті қалыптастыруға ықпал етеді.
Акцияға жалпы саны 67 адам қатысты.
Үржар орманшылығының мемлекеттік инспекторы: Ерзат Абдуллин.
