«Тарбағатай» мемлекеттік ұлттық табиғи паркі РММ-нің заңгер-мемлекеттік инспекторы Дүйсекенов Нұрлан Ақашұлы Қазақстан Республикасы Экология және табиғи ресурстар министрлігі Орман шаруашылығы және жануарлар дүниесі комитетінің атынан биоалуантүрлілікті сақтау ісіне қосқан үлесі үшін III дәрежелі төсбелгімен марапатталды.

Бұл марапат – табиғи ресурстарды қорғау, биологиялық алуантүрлілікті сақтау және қоршаған ортаның экологиялық тұрақтылығын қамтамасыз ету жолындағы қажырлы еңбек пен кәсіби жауапкершіліктің лайықты бағасы.

Ерекше қорғалатын табиғи аумақтарда табиғи экожүйелерді сақтау, өсімдіктер мен жануарлар дүниесін қорғау, табиғат қорғау заңнамасының сақталуын қамтамасыз ету – ұлттық парк қызметкерлерінің басты міндеттерінің бірі.

«Тарбағатай» мемлекеттік ұлттық табиғи паркінің ұжымы әріптесіміз Дүйсекенов Нұрлан Ақашұлын лайықты марапатпен шын жүректен құттықтайды! Кәсіби қызметіне табыс, жаңа жетістіктер және табиғи мұрамызды сақтау жолындағы еңбегіне толағай табыс тілейміз!