«Тарбағатай» мемлекеттік ұлттық табиғи паркінің Зайсан (зоологиялық) қаумалы аумағында жабайы жануарлардың санын анықтау және олардың табиғи ортадағы тіршілігін бақылау мақсатында санақ жұмыстары жүргізілуде.

   Іс-шара барысында мемлекеттік инспекторлар таулы аймақтар мен белгіленген бақылау бағыттарын аралап, жабайы жануарларды бақылау жұмыстарын жүзеге асыруда. Сонымен қатар заманауи технологиялардың бірі – ұшқышсыз ұшу аппараты (дрон) қолданылып, кең аумақты әуеден бақылауға мүмкіндік берілуде.

Санақ жұмыстарының негізгі мақсаты:

 Жабайы жануарлардың сандық көрсеткіштерін анықтау;
 Жануарлардың таралу аймағы мен мекен ету ортасын бақылау;
 Биоалуантүрліліктің сақталу жағдайын бағалау;
  Табиғатты қорғау шараларын тиімді ұйымдастыру.

  Жиналған мәліметтер жабайы жануарлар популяциясының жағдайын бағалауға және алдағы табиғат қорғау жұмыстарын ғылыми негізде жоспарлауға мүмкіндік береді.

  Табиғатты қорғау – тек бүгінгі күннің емес, келешек ұрпақ алдындағы жауапкершілігіміз!

Автор: Зайсан (зоологиялық) қаумалының орман шебері Өтешов Аманжол.