Зейнеткерлік жас – адам өмірінің мағыналы белесі. Саналы ғұмырын бала-шағасына арнап, еліне қызмет еткен еңбектің зейнетін көретін уақыт.

Біз «Үлкенге – құрмет, кішіге – ізет» деген аталы сөзді ұрпағының бойына сіңіріп өскен халықпыз.

Тамыз айының 14-і күні ұлттық парк ұжымы білім мен біліктілік арқасында табиғатты, қоршаған ортаны қорғау саласына айтулы үлес қосқан мемлекеттік инспектор Булгынбаев Жанатбек Бактиярұлын зейнеткерлік демалысқа шығарып салды.

Жанатбек Бактиярұлы 2007 жылдан 2018 жыл аралығында «Марқакөл мемлекеттік табиғи қорығында» мемлекеттік инспектор қатарында қызмет атқарып, 2018 жылдан бүгінгі күнге дейін «Тарбағатай» мемлекеттік ұлттық табиғи паркіне өз үлесін қосып, өзінің өнегелі өмір соқпағында сыйластық пен достықтың ұлағатын ұлықтап, жастарға үлгі  болғаны үшін «Тарбағатай» ұлттық паркінің директорының алғыс хатымен марапатталды.

Ұлттық парктің баспасөз қызметі.