Қар барысы – саны жылдан жылға азайып бара жатқан мысық тұқымдас жыртқыш.
23 қазанда әлемде Халықаралық қар барысы күні тойланады. Атаулы күн 2013 жылы Бішкектегі қар барысын қорғау туралы өткен дүниежүзілік форумда бекітілді.Қар барысы таралу ауқымы мен саны азая бастаған жыртқыш ретінде Қазақстанның Қызыл кітабына енген.
Қар барысын қорғау бойынша бірнеше ұйым әрекет етіп жатыр. Қазақстандағы биоалуантүрлілікті сақтау ассоциациясы, Қазақстан Зоология институты, Қазақстанда БҰҰ даму бағдарламасы, Ғаламдық экологиялық қор, Қазақ географиялық қауымдастығы, Дүниежүзілік табиғатты қорғау қоры, Экожүйені сақтау бойынша халықаралық ынтымақтастық қоры, Carlsberg Kazakhstan компаниясы және Халықаралық жабайы табиғат қоры жүйелі жұмыс істеп келеді.
ҒАЭМ бөлімі.
