Маубас жапалақ ( Otus scops) —жапалақ тәрізділер  отрядына жататын кішкентай құс. Дене мөлшері 19-21 см, салмағы 60-130 г, қанаттарының ұзындығы 50 см-ге дейін.

Түсі сұр-қоңыр, иық қауырсындарында ақ дақтары бар. Мамыр-шілде айларында көбейеді (кейбір аудандарда наурыздан тамызға дейін), әдетте ағаш қуыстарына ұя салады, ұяларына  салмағы 15г болатын 2-ден 6-ға дейін жылтыр ақ жұмыртқа салады.  Инкубациялық кезең 25 күнге созылады, қоректендіруі шамамен 4 аптаға созылады, балапандар ұядан бір аптадан кейін ұшады. Балапандардың түсі сұрғылт, ересек құстарға тән емес көлденең жолақтары бар. Маубас жапалақ түнгі көбелектер мен қоңыздармен қоректенеді, омыртқалыларға сирек шабуыл жасайды. Ол кішкентай бақаларды, кесірткелерді, сүтқоректілерді аулай алады. Табиғатта ол 6 жылға дейін өмір сүреді.