Ғылым, ақпарат және экологиялық мониторинг бөлімінің ғылыми қызметкерлері 27-ші ақпан күнгі далалық іс-сапар барысында, Қатынсу өзені аумағынан сарыалақазды кезіктірді.

Сарыалақаз (Tadorna ferruginea) - қазтәрізділер отряды, үйрек тұқымдасына жататын құс. Денесі қызыл-сары, бас жағы ақшылдау, қанаттарының ұшы қара түсті болады. Дене тұрқы 62 см, қанатының ұзындығы 40 см, құйрығының ұзындығы 14 см, салмағы 1,5 кг. Су жәндіктерімен және балдырлармен қоректенеді. Ұясын тек су жағасындағы жазыққа ғана емес, судан қашық жерлерге де салады. Әдетте жұптасып немесе шағын топ құрып өмір сүреді.  Аналығы 9-12, кейде 17-ге дейін ақшыл сұр-жасылдау жұмыртқа басып шығарады.

Ғылым, ақпарат және экологиялық мониторинг бөлімі.