2025 жылдың сәуір айының 25-і күні Экологиялық ағарту, рекреация және туризм бөлімінің ұйымдастыруымен “Парктер шеруі - 2025” Халықаралық табиғатты қорғау акциясы, “Таза Қазақстан” экологиялық бағдарламасы, Республикалық “ТазаLike” жол картасының іс-шарасы шеңберінде мектеп аулаларында “Болашақты бірге отырғызамыз!” экологиялық акциясы атап өтілді.
Аталмыш акцияға “Қарабұйрат” және “Мақаншы” орманшылықтары да атсалысты!
Ерекше атап өте кетерлік жайт, ұлттық парктің мемлекеттік инспекторлары Мақаншы ауданына қарасты "Көктерек орта мектеп-бақшасы" КММ-нде биылғы мектеп бітіруші 11- сынып түлектерімен, бірлескен алма көшеттерін отырғызу жұмыстарын жүргізді.
Сондай-ақ, Үржар ауданының бірқатар мектептерінде де жеміс көшетін отырғызу жұмыстары ауқымды түрде жүргізілді.
Мақсатымыз - аумағымыздағы экологияны одан ары жақсарту, елді-мекендерді көгалдандыру, өскелең ұрпақтың қоршаған ортаға деген оң көзқарасын нығайту.
Акция барысында отырғызылған жасыл желектер саны - 230 бірлік, қамтылған мектептер саны - 6 бірлік, акцияға қатысушылар саны - 70 адам.

ЭАРТ бөлім басшысының м.а. Р.Қабсаметов.