2025 жылдың 19 қыркүйек күні “Тарбағатай” мемлекеттік ұлттық табиғи паркі директоры Айдын Серікұлының бастамасымен, Үржар орманшылығының мемлекеттік инспекторлары мен Экологиялық ағарту, рекреация және туризм бөлімінің қызметкерлері жергілікті бұқаралық ақпарат құралдарының өкілдерімен бірлесіп, әкімшілік аумаққа қарасты Ақтоғай өзенінің жағалауында “Birge - taza Qazaqstan!” экологиялық акциясын ұйымдастырды.
Іс-шараның негізгі мақсаты — қоғам назарын қоршаған ортаның тазалығына аудару, азаматтық жауапкершілік пен табиғатқа деген жанашырлықты қалыптастыру.
Акцияда өзен жағалауын тұрмыстық қалдықтардан тазалап, экологиялық тазалықты сақтау бағытында нақты іс-қимыл жасалды.
Іс-шара барысында аудандық “Уақыт тынысы” газетінің тілшісі Гүлнар Байманқызы акцияның маңыздылығын атап өтіп, келешекте осындай шаралардың жиі әрі ауқымды түрде өткізілуі қажет екендігі жөнінде оң пікірін білдірді.
Тілші бүгінгі акция — тек қоқыс жинау емес, бұл — табиғатты қорғау идеясын қоғамға жеткізудің бір жолы. Осындай бастамалар арқылы халықтың экологиялық мәдениеті артады деп сенем артты.
“Тарбағатай” МҰТП ұжымы үшін бұл акция — қоршаған ортаға деген құрметтің, патриоттық рухтың, ұрпақ алдындағы жауапкершіліктің нақты көрінісі.
Іс-шара соңында қатысушылар табиғат аясында ашық пікір алмасып, алдағы уақытта экологиялық бағыттағы ақпараттық-ағартушылық жұмыстарды одан әрі күшейту жөнінде ұсыныстарын ортаға салды.