Қаңтар айының соңғы 15-29 күндері аралығын бабаларымыз "ҚЫС ШІЛДЕСІ" деп атаған. Осы кезде қыс өз күшiне енiп, түкiрiк жерге түспейтін  сақылдаған сары аяз болатын кез. Қазақ  есепшiлерiнiң айтуы  бойынша "Қыс шiлдесiнiң" iшiнде 15-мен 19-ы арасын қасқырлардың жұптасуына орай "БӨРІ СЫРҒАҚ" күндері деп атаған. Бұл күндерi, адам астындағы атының құлағын көре алмайтын боран соғады. Ал қаңтардың  18-нен 19-на қараған түнi, сағат түнгi 00-ден таңғы 6-ға дейiн қасқырдың арланы мен ұрғашысы жұптасады екен. Осы түндi әлемдегi барлық заттың тазару түнi, әсiресе судың ең тазаратын, яғни жанды су болатын уақыты деген.  Орыстар "Крещенские морозы" деп суық суға басымен кiрiп, шомылып жатады.
Ертеде бабаларымыз осы күнгi сумен нәрестенi қырқынан шығарған, нәрестелерi қасқырдай  батыр болсын деп екi қабат әйелдердi жуындырған, қаскырдай жүректi боламыз деп таңғы 4-5-терде бұлақтың таза суын iшкен.
Бұл күн "Көк Түрiктiң" дүниеге келген күнi деседі.

Жазған: рекреация және туризм жөніндегі инженер Д.Керімтаева.
Видео түсірілім түсірген мемлекеттік инспектор К.Гергенрейдер.