13-сәуір күні ұлттық парк кеңсесінде ұлттық парк қызметкерлері Үржар аудандық төтенше жағдайлар бөлімінің қызметкерлері мен Үржар аудан әкімдігінің төтенше жағдайлар бойынша  маманының және ДЭУ-24 қызметкерінің қатысуымен ауданымыздағы өрттің алдын алу іс-шараларына кеңесу мақсатында дөңгелек үстел өткізді. Ұлттық парктің орман қорғау инженері М.Малгельдиновтың тарапынан аудан әкімдігінің төтенше жағдайлар бойынша  маманына өз аумақтарында болатын өртті сөндіру үшін өздері заманауй өрт сөндіру аппараттарымен қамтылуларына ұсыныс жасалды. Ал оқу жаттығу мамыр айына жоспарланып отыр.

Жыл сайын ауданымызда құрғақ шөпті бақылаусыз өртеу ірі өрттер мен материалдық шығынға әкеп соғады. Бұл адамдардың денсаулығы мен өміріне қауіп төндіреді, экожүйені бұзады, әкімшілік және қылмыстық жауапкершілікке әкеп соғады.

Тұрмыстық қалдықтарды жинау және оларды өртеу кезінде өрт қауіпсіздігі ережелерін бұзғаны үшін ҚР ӘҚтК 336-бабына сәйкес 3-тен 20-ға дейінгі АЕК айыппұл көзделген (2023 жылғы АЕК-ке шаққанда 10 350 теңгеден 69 000 теңгеге дейін).

Баспасөз қызметі.