Сәуір айының 24-і күні «Тарбағатай» мемлекетік ұлттық табиғи паркінің Ақшаулі учаскесінің орман шебері А.Баужанов пен мемлекеттік инспектор Е.Омаров Абай облысы, Аягөз қаласында «Семей орманы» МОТР» РММ «Тау-Дала» филиалының Аягөз орман шаруашылығымен «Парктер шеруі – 2024» халықаралық табиғатты қорғау акциясы аясында ұйымдастырылған ағаш отырғызу акциясына қатысып, құрметті қонақ болды.

Акция барысында «№3 жалпы орта білім беретін аралас мектебі» КММ ауласында БІРЛЕСКЕН ТҮРДЕ ағаш отырғызу іс-шарасын өткізді. Жалпы саны 80 адам жұмылдырылып, 75 түп көшет отырғызылды.

Толығырақ...

Байқау шарты:

Балабақшалардың ересектер тобы қатысады

•         «Тарбағатай ұлттық паркінде мекендейтін» 2024 жыл құсы маубас жапалақты А3 форматты қағазға қара қарындашпен сурет салулары керек.

•         Сурет міндетті түрде баланың өз қолымен салынуы керек (бастырылып салынған дайын суреттер жарамайды).

•         Суретті бүктеуге немесе орауға болмайды.

•         Суретті әрлеу үшін скотч және басқа да синтетикалық материалдар

   пайдаланбауларыныңызды өтінеміз!

•           Қатысушы жасалған жұмысымен суретке түсіп Instagram әлеуметтік желісіндегі      жеке парақшасында «Тарбағатай» мемлекеттік ұлттық табиғи паркінің @tarbagatai_2018 парақшасын белгілеп, #Тарбағатайжылқұсы2024 хэштегін көрсетіп салуы керек (сурет астында міндетті түрде қатысушының аты-жөні және тобының аты жазылуы керек).

•           Жасалған жұмыстарды ұлттық табиғи парк мекемесіне 25-29 сәуір аралығында  тапсыру керек. 

Суреттің төменгі бетің  оң жақ бұрышында автордың аты-жөні, мектебі және сыныбы, жұмыстың атауы анық және толық көрсетілуі қажет.

Байқау қорытындысы 30-сәуір күні хабарланады.

ЭАРТБ.

«Тарбағатай»  мемлекеттік ұлттық табиғи паркінің ғылыми қызметкерлері 2024 жылдың 22 сәуір күні,  «Парктер шеруі – 2024» халықаралық табиғатты қорғау акциясы аясында «Халықаралық Жер күні» атты дәріс сабақты «Қ.Игенбайұлы атындағы орта мектеп-бақшасы» КММ-сінің 7-сынып (жалпы саны 14) оқушыларына өткізіп қайтты. 

Дәріс сабақ  барысында оқушыларға  бұл күннің маңыздылығы туралы айтылып, түсіндірме жұмыстары жүргізілді және оқушылармен топтық жұмыс жасалды.

Ғылым, ақпарат және экологиялық мониторинг бөлімі.

22-сәуір күні ШҚО, Зайсан ауданында орналасқан «Тарбағатай» (зоологиялық) қаумалының орман шебері Д.Аманғазин мен мемлекеттік инспекторлары «Парктер шеруі - 2024» Халықаралық табиғатты қорғау акциясы  шеңберінде Зайсан қаласының «М.Әуезовов атындағы орта мектеп» КММ-нде «Ұлттық парктің жануарлар әлемі» атты тақырыпта семинар-брифинг өткізді.

Бүгінгі жастар – еліміздің ертеңі болғандықтан, семинар барысында мемлекеттік инспекторлар қатысушыларға ұлттық парк аумағында кездесетін жануарлардың сан алуандығы мен тіршілігі жайлы қызықты мәліметтер бере отырып, жануарларды қорғауға, оларға қамқорлық жасауға, табиғатты сүюге баулып, ой-өрістерін кеңейте білді.

                    Қатысушылар семинар-брифингте қозғалған қызықты тақырыпқа оң көзқарас танытып, сирек кездесетін жануарлар түрлерін молайту жөніндегі ой-пікірлерін айтып отырды.

Брифингке мектеп оқушылары (саны – 50) мен ұстаздары, жергілікті әкімшілік мамандары қатысты. Қатысушылардың жалпы саны – 63 адамды құрады.

Экологиялық ағарту инженері Ә.Көбенова.

22 сәуір күні «Тарбағатай» мемлекеттік ұлттық табиғи паркінің Экологиялық ағарту, рекреация және туризм бөлімінің қызметкерлері «Парктер шеруі – 2024» Халықаралық табиғатты қорғау акциясы шеңберінде Үржар аудан орталығында орналасқан «Ер Төстік» балабақшасының тәрбиеленушілеріне Халықаралық Жер күніне орай «Жер – Ана» тақырыбында ашық сабақ өтті.

Сабақ барысында ЭАРТ бөлім қызметкерлерінің балабақша тәрбиеленушілеріне арнайы әзірлеген Жер планетасы туралы қазақ тіліндегі мультфильмі көрсетілді. Мультфильмдегі  Жер мен Адам арасындағы диалог пен көріністерден Жер-Ананы сақтап қалу, табиғаттағы тазалық, жан-жануарларға деген қамқорлық атаулы балаларға түсінікті түрде қамтылды.

Ашық сабақ нәтижесінде тәрбиеленушілер Адам табиғаттың бір бөлігі екендігін, табиғатта болатын барлық нәрсе әрқашан адамға әсер ететінін, табиғат адамдарға қолында бар нәрсенің бәрін, азық-түлікті, пайдалы қазбаларды және басқа ресурстарды беретінін түсінді.

Өздері кішкентай бола тұра, тәрбиеші апайларымен бірге табиғатты қорғау сияқты маңызды тақырыпты талқыға сала білгендері бізді қайран қалдырды! Ашық сабақ соңында ұлттық парк қызметкерлері балақайлар өздеріне әзірлеген концерттік бағдарламасын тамашаладық.

Қатысушылар саны – 3 топтан 60 тәрбиеленуші.

Экологиялық ағарту инженері Әсем Көбенова.

2024 жылдың 19 сәуірі күні «Тарбағатай» мемлекеттік ұлттық табиғи паркі «Парктер шеруі – 2024» Халықаралық табиғатты қорғау акциясының шеңберінде «Ұлттық ағаш отырғызу күні » мен Үржар ауданының әкімдігінің қызметкерлері ұйымдастыруымен «Таза Қазақстан» акцияларының аясында ормандарды сақтау және жаңғырту идеясын қолдау мақсатында ауқымды ағаш отырғызу жұмыстарын жүргізді.

Ағаш отырғызу күніне орай Ұлттық парктің демеушілігімен 500 дана ағаш көшеттері Үржар ауылының «Болашақ саябағы», «Орталық алаң» және «Орталық аурухананың» маңына отырғызылды.

Іс-шараның негізгі мақсаты - экологиялық мәдениет деңгейін арттыру, орманды жаңғырту идеясын қолдауға жұртшылықтың назарын аудару.

Табиғат сұлулығы мен таза ауаның кілті - ағаштар. Осы тұрғыдан алғанда, аталмыш шараның ұйымдастырылуы аймақтағы экологияны одан әрі жақсартуға, елді-мекендерді көгалдандыруға ықпал етеді.

Барлық қатысушылардың саны - 1200 адам.

Мәтін авторы: Орман патолог инженрі Тұяқбаев Нұрлан.

#ШОС2024ГодЭкологии

#ЭТРМ #МЭПР

#ОШЖДК

#КЛХЖМ

«Тарбағатай»  мемлекеттік ұлттық табиғи паркінің ғылыми қызметкерлері 2024 жылдың 17 сәуір күні,  «Парктер шеруі – 2024» халықаралық табиғатты қорғау акциясы аясында «Тау киесі - Арқар» атты дәріс сабақты «Б.Сахариев атындағы Бақты  орта мектеп-бақшасы» КММ-нің 8 сынып (жалпы саны 33) оқушыларына өткізіп қайтты. 

Дәріс сабақ  барысында оқушыларға  ұлттық парк аумағында мекендейтін Қазақстан арқарының  өмір сүру ортасы мен тіршілік ету ерекшелігі, сандық динамикасы мен көші-қон мәліметтері туралы айтылды.

Ғылым, ақпарат және экологиялық мониторинг бөлімі.