- Толығырақ
Ағымдағы жылдың 7 наурызы күні «Көктем — 2023» Республикалық командалық штабтық жаттығу жұмыстары аясында Үржар ауданының жедел жасақ қызметтеріне "ДАБЫЛ" белгісі беріліп, көктемгі су қаупі кезеңіне дайындықтары пысықталды. Оқу-жаттығу жұмыстарына «Тарбағатай» МҰТП қызметкерлері де қатысты.
- Толығырақ
Қояндар – сүтқоректілердің бір тұқымдасы, олардың 50-ге жуық түрлері бар. Бұлардың ішінде тез жүгіруге, ін қазуға, жүзуге, ағашқа өрмелеуге бейімделген түрлері де кездеседі. Салмағы орташа 0,1- 4,5 кг, дене тұрқы 12-75 см болады. Артқы аяқтары алдыңғы аяқтарына қарағанда ұзын. Сондықтан биіктеу жерлерге тез көтеріледі, ал биіктен түсерде қоян қиналады, кейде домалап та кетеді. Қоянның көзі басының ортасында емес, екі жағында орналасқандықтан, ол артынан, не жанынан кездесіп қалған аңды тез байқауға мүмкіндік береді. Қояндардың тістері өткір келеді. Олар өздеріне үйшік дайындамайды, қысқа азық жинамайды себебі, бұта түбінде, орман жиегінде тіршілік етеді. Түнге қарай азық іздеуге шығады. Көктем мен жаз айларында жасыл шөп, өсімдік тамырларымен қоректенеді. Ал қыста қалың қар астында тығылады. Қыс мезгілінде орманда азық өте аз болғандықтан қояндар ағаш қабығын кеміреді. Күз мезгілінің аяғында күздік егіс көктеп, қар астында басылып қалады. Кейде қояндар осындай егіс алқаптарында, қар астынан шұңқыр қазып күздік егіспен қоректенеді.
- Толығырақ
«Тарбағатай» МҰТП ұжымы аруларды шұғылалы көктемнің алғашқы мерекесі – 8 наурыз мейрамымен шын жүректен құттықтайды!
Дендеріңізге саулық, отбасыларыңызға береке-бірлік, мол табыс, қызметте өрлеу және махаббат пен әсемдік тілейді!
Көктем мерекесі көңілдеріңізге қуаныш сыйлап, жүздеріңізге нұр шашсын!
- Толығырақ
Маңырақ – Сауыр мен Тарбағатай тауларының, Зайсан қазаншұңқырымен Шілікті жазығының арасындағы тау. Бұл таудың табиғатының ерекшелігі көршілес аймақтардың табиғатының буданы іспетті. Біз «табиғаты» деп жануарлар әлемі, өсімдіктерін жалпы мағынада алып отырмыз.Солтүстік-батыстан оңтүстік-шығысқа қарай 65-70 км-ге созылып жатыр, енді жері 15-25 км. Биік жері Шөрбас тауы - 2035 м.
Тау неліктен «Маңырақ» деп аталады?
Ертеде жоңғарлардан қашқан қазақ ауылы тау ішінде жасырынуды ұйғарыпты. Алайда биік те тік шатқалға шығу өте қиынға соғады. Әсіресе, бір қой отарға ілесе алмай, қайта-қайта сүрініп, артта қала беріпті. Уақыт тығыз болғандықтан, ақсақ қойды жұртқа тастап кете берген.
Тау етегіне жеткен жау ары-бері шапқылап, көздеріне ештеңе ілінбеген соң кетуге бет бұрады. Сол сәтте қойдың маңырыған дауысын естіп тоқтайды. Олар жұртта қалған қойды тауып алып, сол жерден жақын арада жүріп өткен көш ізімен ауылды тауып алып, тірі жан қалдырмай қырып кеткен. Содан бері тау «Маңырақ» деп аталған екен.
- Толығырақ
Мемлекеттік инспекторлар Көктерек ауылында өтіп жатқан "Үржар ауданы әкімінің халыққа есеп беру" жиналысына қатысуда.
- Толығырақ
2013 жылдың 20 желтоқсанында БҰҰ Бас Ассамблеясы жұртшылықтың жабайы фауна мен флора мәселелерінде хабардар болу деңгейін арттыру мақсатында 3-ші наурызды Дүниежүзілік жабайы табиғат күні деп жариялауға шешім қабылдады (World Wildlife Day). Бұл оқиға осы шешімді қабылдаған БҰҰ тарихында айрықша кезең болды. Бұдан былай адам күнтізбесінде жабайы табиғатқа арналған күн бар.
Көптеген адамдар жер шарындағы адамның ғана емес, жануар мен өсімдік болсын, тіпті әрбір тіршілік иесінің маңыздылығы туралы ойланатын болады. Бұл мерекені БАҚ-ның қатысуымен сауатты өткізу қарапайым азаматтар үшін әлем туралы білімнің көкжиегін кеңейтуге, адамдар әлемінен тәуелсіз өмір сүретін жабайы табиғаттың сұлулығын көрсетуге мүмкіндік береді. Ол адамды қоршаған ортамен үйлесімді өмір сүруге үйретеді.
- Толығырақ
Мемлекеттік инспекторлар Р.Оспанов, Е.Чокаев, Н.Бекболатов ұлттық парктің 15-ші мастерлік айналымына кезекті рейдке шығып, ешқандай заң бұзушылықтар орын алмағанын баяндап, түлкі мен қоян іздерін фотосуретке түсірген.
Серкебаев Айдын Серікұлы
«Тарбағатай» мемлекетік ұлттық табиғи паркі» РММ директоры
"Тарбағатай" Ұлттық паркі. Сан. тазалау үшін ақы төлеу
"Тарбағатай" Ұлттық паркі. Көлікке арналған тұрақ ұсыну
