- Толығырақ
Президент Қасым-Жомарт Тоқаев 2025 жылды «Жұмысшы мамандықтары жылы» деп жариялады!
Қапизов Ғалымбек Тұрсынбекұлы 1963 жылы 9 қазанда Үржар ауылында дүниеге келген. 1979 жылдан бастап колхозда жұмыс істеді. 2001 жылдан бастап жеке шаруа қожалығында тракторист болып қызмет етті. 2021 жылдан бері «Тарбағатай» мемлекеттік ұлттық табиғи паркінде трактор жүргізушісі болып қызмет етуде. Асыл жар, екі ұлдың әкесі, сегіз немереге ата болып отырған азамат.
Өзінің табысын маңдай терімен табатын, жанын салып жұмыс істейтін адам - еңбек адамы! Маңдай терін салып жұмыс істеген әрбір адам – қадірлі! Сол себепті, жұмысшы мамандықтардың беделі жоғары деңгейде болуы керек.
Баспасөз хатшысы Ә.Көбенова.
- Толығырақ
Қыс мезгілі ормандар үшін ерекше кезең болып табылады. Аяз бен қарлы күндер орман экожүйесінің өмірін күрделендіреді. Осы кезеңде орманшының қызметі айрықша маңызды болмақ. Мемлекеттік инспектор – табиғат қорғаушысы, орман байлықтарын сақтаушы және экожүйенің тепе-теңдігін қамтамасыз етуші. Қыс мезгілінде олардың жұмысы орманның табиғи жағдайларын қорғау мен бақылау тұрғысынан күрделене түседі. Атап айтқанда,
- Ормандағы өсімдіктер мен жануарлардың түрлерін қорғап бақылау, заңсыз ағаш кесу, браконьерлік сияқты әрекеттермен күресу;
- Ауа райы құбылыстарын бақылау жұмыстарын жүргізу;
- Ормандағы жануарлардың тіршілігін сақтау, биотехникалық іс шаралар жүргізу.
- Орман қорғау мәселелері бойынша тұрғындарға, шаруа қожалықтарына түсіндірме жұмыстарын жүргізу
сияқты еңбектерінің арқасында біздің ормандарымыз келешек ұрпаққа да жетіп, табиғаттың әрбір бөлшегі сақталатыны анық.
Үржар орманшылығы басшысының көмекшісі: Аманғазы Мақпал.
- Толығырақ
2025 жылдың қаңтар айының 29-ы күні Экологиялық ағарту, рекреация және туризм бөлімінің қызметкерлері "Таза Қазақстан - 2025" экологиялық акциясы аясында Үржар ауданы, Қазымбет ауылының "Қазымбет орта мектеп-бақшасы" КММ-сінің жоғарғы сынып оқушыларымен бірлесіп, "Электр энергиясын үнемдейік!" тақырыбында экологиялық акция өткізді. Акцияға "Үржар" орманшылығының мемлекеттік инспекторлары да атсалысты.
Электр энергиясын үнемді тұтынудың пайдасы зор. Ол қоршаған ортаны сақтау факторларының бірі. Себебі, біз энергияның негізгі бөлігін табиғи ресурстардан аламыз. Көмір, мұнай және газ қалпына келмейтін пайдалы қазбаларға жатады. Электр энергиясын өндіру үшін көмір жағамыз, радиоактивті отынды пайдаланамыз, өзендерге тосқауыл қоямыз. Осылайша, қоршаған ортаға теріс әсерін тигізеді. Кез келген электр станциясы қоршаған ортаға белгілі бір деңгейде зиян келтіреді. Сол себепті электр энергиясын үнемдесек, электр станцияларының қажетті қуаты айтарлықтай азаяды. Яғни, электр энергиясының өндірісі табиғи ресурстардың көп мөлшерін қажет етеді.
Акция барысында оқушыларға слайдтар көрсетіліп, буклеттер үлестірілді, түсіндірме жұмыстары өткізілді. Олар сол арқылы көптеген мағлұматтар алды. Әсіресе, электр энергиясының табиғи ресурстардан алынатынын, қыс айында электр энергиясын тұтыну деңгейі анағұрлым артатындығын біліп, энергияны үнемдеудің тәсілдерін үйренді.
Акцияға қатысушылардың жалпы саны - 23 адам.
Экскурсия жетекшісі: Ришат Көрпешов.
- Толығырақ
Түлкілердің негізгі қорегін тышқандар құрайды. Оның тышқанды қалай аулайтынын қыс айларында байқауға болады. Түлкінің есту қабілеті өте жақсы, ол 100 метр қашықтықтан тышқанның дауысын ести алады. Олар тышқан аулағанда артқы аяқтарына тұрып, сосын кенеттен қар қабатының астына алдыңғы аяқтарымен секіріп тап береді. Қорегін шайнамай, тек ұсақ бөлшекке бөліп қана жұтады.
Мақала авторы: Кіші ғылыми қызметкер Г.Рахметоллаева.
Видеоны дайындаған: Орман шебері Ә.Көксегенов.
- Толығырақ
Мемлекет басшысының «Таза Қазақстан» экологиялық акциясын өткізу жөніндегі тапсырмасы аясында ағымдағы жылдың қаңтар айының 28-і күні «Тарбағатай» мемлекеттік ұлттық табиғи паркі РММ-і қызметкерлерінің ұйымдастыруымен Мақаншы ауданына қарасты С.Сейфуллин атындағы орта мектебінің 7-9 сынып оқушыларының қатысуымен тұқымдарды контейнерлерге отырғызу арқылы көшет өсіру акциясы өтті.
Акцияға 95 оқушы қатысып, кәдімгі қарағай тұқымының 150 данасы контейнерлерге отырғызылды. Акция барысында оқушыларға ағаш тұқымын жинаудан бастап, отырғызғанға дейінгі жүргізілетін жұмыс барысы таныстырылып, алдағы уақытта күтім жұмыстарының қалай жүргізу керектігі түсіндірілді.
Акцияның негізгі мақсаты – мектеп оқушыларын экологиялық мәселелерге, қоршаған ортаға деген сүйіспеншілігін арттыру және табиғатты қорғау ісіне белсенді атсалысуға шақыру болып табылады.
Экскурсия жетекшісі: Р.Корпешов.
- Толығырақ
2025 жылдың 20 қаңтары күні "Қарабұйрат" орманшылығының мемлекеттік инспекторлары Б.Бегешев пен Б.Касенбаев өздеріне бекітілген аумақта Үржар АПБ-нің ЖПҚБ УПИ полиция капитаны К.Нығметолламен броконьерліктің, заңсыз ағаш кесудің және табиғат қорғау заңнамасының басқа да заң бұзушылықтарының жолын кесу мақсатында рейдтік іс-шара жүргізді.
Рейд барысында құқық бұзушылық анықталған жоқ.
"Қарабұйрат" орманшылығының мемлекеттік инспекторы: Б.Касенбаев.
- Толығырақ
Табиғат Ананы қорғап қалу мәселесінде ағаштарға көңіл бөлудің, тал, шыбық отырғызуды ұмыт қалдырмаудың мәні зор. Осы тұрғыда ұлттық парк қызметкерлері жыл сайын “Парктер шеруі” және “Таза Қазақстан” экологиялық акциялары аясында ауқымды іс-шаралар атқаруда.
2025 жылдың 22-қаңтары күні "Тарбағатай" МҰТП-нің "Мақаншы" орманшылығының орманшылық басшысы Асхат Зейнолда мен орманшылық басшысының көмекшісі Ержан Шакировтың ұйымдастыруымен орман шебері Айдын Батырбаев пен оған қарасты мемлекеттік инспекторлар Мақаншы ауданының "Қаратұма орта мектеп-бақшасы" КММ-сінің 7-10 сынып оқушыларына "Орманды заңсыз ағаш кесуден қорғайық!" тақырыбында семинар сабақ өткізді.
Мемлекеттік инспекторлардың алға қойған мақсаттары - өскелең ұрпақтың бойында экологиялық мәдениетті қалыптастырып, жасыл желектерге қамқорлық көрсетіп, табиғатымызды қорғауға үлес қосуларына ықпал ету.
Себебі, ағаштар денсаулыққа пайдалы. Олар ауаны тазартады, көмірқышқыл газын жұтып, ауаға оттегі бөліп шығарады. Жердің ылғалдылығын реттейді. Тіпті күнделікті қолданып жүрген материалдарымыздың көбі осы ағаштан жасалады. Елімізде ағашты заңсыз кескен адам қылмыстық және әкімшілік жауапкершілікке тартылады. Бұрын мұндай заң бұзушылылық үшін аз ғана айыппұл салынып келсе, қазір заң түбегейлі өзгерді.
Ағаштарды кесуге рұқсат етілген және тіпті жоспарланған жағдайлар да бар. Алайда ол үшін арнайы рұқсат қажет. Кесуге жататын ағаштардың көлемін ұлттық паркіміздің Табиғи кешендер мен объектілерді өсіру және табиғатты пайдалану бөлімі анықтайды. Бұл ағаштар санатына қураған, зиянкестермен зақымдалған және шіріген немесе өрттен кейінгі ағаштар жатады. Олар орман ауруларын тудырып, сау ағаштарға қауіп төндіреді. Сондықтан оларды уақтылы алып тастап отыру керек. Инженерлер өз деректерін Абай облыстық орман шаруашылығы және жануарлар дүниесі аумақтық инспекциясына ұсынады. Осыдан кейін экологиялық сараптама жүргізіліп, Орман шаруашылығы және жануарлар дүниесі комитеті осы ағаштарды кесуге рұқсат береді.
Ағаштарды заңсыз кесудің алдын алу үшін жауапкершілікті күшейту және айыппұлдардың өсуі маңызды рөл атқарады. Алайда бұл жолда ең маңызды қадам – экомәдениетті қалыптастыру мен ерте жастан тәрбиелі білім беру. Ол тәрбие - экологиялық мәдениеттің маңызды құрамдас бөлігі. Осы тұрғыда семинар сабақты өткізуге ықпал еткен Мақаншы білім бөлімі басшысының м.а. Ноғаева Гүлзипа Мақашқызы мен "Қаратұма орта мектеп-бақшасы" КММ-сінің директоры Чушекова Ляйла Ахметқызына "Тарбағатай" мемлекеттік ұлттық табиғи паркі" Республикалық мемлекеттік мекемесінің атынан алғыс білдіреміз!
"Мақаншы" орманшылығының орманшылық басшысының көмекшісі: Ержан Шакиров.
Серкебаев Айдын Серікұлы
«Тарбағатай» мемлекетік ұлттық табиғи паркі» РММ директоры
"Тарбағатай" Ұлттық паркі. Сан. тазалау үшін ақы төлеу
"Тарбағатай" Ұлттық паркі. Көлікке арналған тұрақ ұсыну
