- Толығырақ
«Жас ақындар үнімен, табиғатты қорғайық бүгіннен!» байқауына 8-16 жас аралығындағы балалар қатысады.
Өткізілу шарты:
• Ұлттық парк учаскелеріне қарасты: Тарбағатай тауы, Қарабас тауы, Әлет үлескесі (учаскі) жайында аңыз-әңгіме ойластыру немесе өлең шығару. Байқауға қатысушы еңбектерін алдын-ала ұлттық парктің Бұл электронды пошта мекен-жайы спам-боттардан қорғалған. Көру үшін сіздің браузеріңізде JavaScript қосулы тұруы тиіс. электрондық поштасына 11-16 мамыр аралығында өткізу керек (хатқа қатысушының ТАЖ, мектебі және сыныбы жазылуы керек). Жазылған аңыз-әңгіме немесе өлең тақырыпқа сай болуы керек.
- Толығырақ
Сәуір айының 26-сы күні Абай облысы, Аягөз қаласында «Семей орманы» МОТР «Тау-Дала» филиалының Аягөз орманшылығымен ұйымдастырылған «Парктер шеруі – 2023» халықаралық табиғатты қорғау акциясының ашылу салтанаты ауқымды түрде өтті.
«Тарбағатай» мемлекеттік ұлттық табиғи паркінің Экологиялық ағарту, рекреация және туризм және Табиғи кешендер мен объектілерді өсіру және табиғатты пайдалану бөлімдерінің қызметкерлері аталмыш акцияның қонағы болдық. Экологиялық акцияға жергілікті 11 мектептің оқушылары ұстаздарымен, жергілікті атқарушы ұйымдар және «Семей орманы» резерватының мемлекеттік инспекторлары қатысты. Қаланың орталық алаңына экологиялық мәселелерге бей-жай қарамайтын 300-ден астам адам жиналды.
Дәстүр бойынша іс-шара экологиялық акцияны қолдау туралы лозунгтар мен плакаттар ұсталынған салтанатты шерумен басталды. Сосын жас өнерпаздардың қатысуымен мерекелік концерт болды. Экологиялық акция аяқталар алдында «Семей орманы» МОТР бас директорының у.м.а. Байжан Мұсақановтың алғыс хатын алып, ағаш отырғызу акциясына қатысып, өзіміз апарған ағаш көшеттерін отырғызып қайттық.
- Толығырақ
Қазақстан Республикасы Орман кодексінің 13 бап 1) тармағының 3 тармақшасына және 4 бабының 61) тармақшасына, Орман шаруашылығы жануарлар дүниесі Комитетінің 16.03.2023 жылғы №27-5/46-НҚ бұйрығына сәйкес және «Тарбағатай» МҰТП-ның аумағындағы климат жағдайларын ескере отырып өрт қауіпі бар маусымның басталуы 5 сәуір болып бекітілді.
Өрт қауіптілігі орын алуы құрғақ және ыстық ауа райына байланысты жоғарылайды. Көп жағдайда дала өрті адамдардың абайсыздығынан пайда болады. Далалық алқаптарда өрттер демалыс орнында қараусыз, жағылған күйінде қалдырылған от шоғы, сөндірмей тастап кеткен темекі тұқылы, тез жанғыш заттар және қоқысты қалдырып кету себептерінен туындайды.
Табиғатта өрттің себепкері болмас үшін отты тек қана арнайы белгіленген орындарда жағып, орманнан, дала алқабынан, демалыс орындарынан кеткен кезде отты толық сөндіріп, топырақпен көміп немесе үстінен су құйып, жанғыш заттарды, қоқысты, сөндірілмеген темекі тұқылын тастамауларыңызды сұраймыз. Табиғатты қорғау –табиғатты аялау әр адамның міндеті. Үлкен-кіші әрдайым табиғатты таза ұстап, құрмет тұту қажет. Оның бізге қаншалықты қажет екені баршамызға мәлім...
- Толығырақ
13-сәуір күні ұлттық парк кеңсесінде ұлттық парк қызметкерлері Үржар аудандық төтенше жағдайлар бөлімінің қызметкерлері мен Үржар аудан әкімдігінің төтенше жағдайлар бойынша маманының және ДЭУ-24 қызметкерінің қатысуымен ауданымыздағы өрттің алдын алу іс-шараларына кеңесу мақсатында дөңгелек үстел өткізді. Ұлттық парктің орман қорғау инженері М.Малгельдиновтың тарапынан аудан әкімдігінің төтенше жағдайлар бойынша маманына өз аумақтарында болатын өртті сөндіру үшін өздері заманауй өрт сөндіру аппараттарымен қамтылуларына ұсыныс жасалды. Ал оқу жаттығу мамыр айына жоспарланып отыр.
- Толығырақ
Сәуірдің 24-і күні “Тарбағатай” МҰТП Экологиялық ағарту, рекреация және туризм бөлімінің ұйымдастыруымен «Үржар ауданы тарихи – өлкетану музейінде» «Парктер шеруі – 2023» халықаралық табиғатты қорғау акциясы аясында «Халықаралық Жер күні» экологиялық акциясы КӨРМЕ ретінде өткізілді. Аталмыш акцияға Үржар ауданы бойынша мектеп оқушылары қатысты.
- Толығырақ
Аққулар аса киелі, ерекше сезгіш әрі сақ құс. Тіршілігінің көп уақытын суда өткізіп, жақсы жүзіп, бірақ сүңги алмайтын, құрлыққа сирек шығатын құс. Қазақстанда аққудың 6-7 түрі бар, оның бесеуі Солтүстік жартышарды мекендесе, біреуі экватордың оңтүстік бетін қоныс етеді. Қазақстанда дыбыс шығару ерекшелігіне байланысты сыбырлақ және сұңқылдақ аққулар деген екі түрі мекендейді. Кіші аққу тундрадан қыстайтын жерлеріне ұшқан кезде Қазақстанда кездеседі.
- Толығырақ
1971 жылы 21 наурызда БҰҰ Бас Ассамблеясының шешімен жарияланған бұл атаулы күн бүгінде дүниежүзінің 167 мемлекеттінде Дүниежүзілік Жер күні сәуірдің 22-інде атап өтіледі.
Бұл атаулы Жер күнін алғаш рет 1990 жылы халықаралық мейрам ретінде атап өтілді.
Қасиетті жер ананың бойындағы табиғат байлықтары жер бетінде бүкіл адамға ортақ қазына. Жер, Табиғат, Отан, Атамекен деген ұғымдар бір бірімен үндес, әрі мағыналас. Сондықтан туған жеріміздің тамаша табиғатын сүйе білу, қорғай білу, қастерлей білу-бәріміздің борышымыз.
Табиғатымыз аман болсын!
Табиғатты түсіне білейік!
Экскурсия жөніндегі нұсқаушы Н.Абайхан.
Серкебаев Айдын Серікұлы
«Тарбағатай» мемлекетік ұлттық табиғи паркі» РММ директоры
"Тарбағатай" Ұлттық паркі. Сан. тазалау үшін ақы төлеу
"Тарбағатай" Ұлттық паркі. Көлікке арналған тұрақ ұсыну
