- Толығырақ
Экологиялық мәдениетті қалыптастыру мен қоршаған ортаны қорғауға қоғамды тарту мақсатында 2025 жылдың шілде айында ерекше қорғалатын табиғи аумақтарда, оның ішінде "Қусақ" туристік маршруты бойында сенбілік ұйымдастырылды.
Аталған сенбілік шарасы табиғи аумақтарды тұрмыстық қалдықтардан тазарту, экожүйелерді сақтау, сондай-ақ келушілерге экологиялық тәрбие беру мақсатында өткізілді. Іс-шара барысында туристік маршруттар бойындағы қоқыстар жиналып, бұлақ көздері ашылып, тазалық жұмыстары жүргізілді.
Сенбілікті мемлекеттік инспекторлар К.Гергенрейдер мен Е.Гергенрейдер және еріктілер ұйымдастырды. Барша қатысушылар “Табиғатты аялайық!” ұранын ұстанып, табиғатқа жанашырлықпен қарау қажет екенін тағы бір мәрте дәлелдеді.
Мақсаттар:
• Туристік аумақтардың тазалығын сақтау;
• Қоршаған ортаға жауапты көзқарас қалыптастыру;
• Демалушылар арасында экологиялық мәдениетті насихаттау;
• Табиғи ландшафтарды сақтау мен қалпына келтіруге үлес қосу.
Мұндай сенбіліктер тек тазалық орнату шарасы ғана емес, сонымен қатар қоғамда табиғатқа деген жанашырлықты арттыратын тиімді құрал. Туристік бағыттар – еліміздің табиғи байлығы мен сұлулығын танытатын маңызды орындар, сондықтан оларды қорғау – әрбір азаматтың борышы.
Сенбілік жұмыстарына 2 мемлекеттік инспектор мен 5 ерікті қатысты. Іс-шара нәтижесінде 1 гектар аумақ тазартылып, шамамен 0,05 тонна тұрмыстық қоқыс арнайы қоқыс полигонына шығарылды.
Экологиялық ағарту инженері: Ә.Көбенова.
- Толығырақ
2025 жылдың 16 шілдесі күні Тарбағатай тауының баурайында орналасқан балаларға арналған “Тарбағатай” спорттық-сауықтыру лагерінде орман өрттерінің алдын алу және оларға ден қою бойынша ауқымды профилактикалық іс-шара өткізілді.
Аталған іс-шара ҚР Төтенше жағдайлар министрі С. Шәріпханов пен ҚР Экология және табиғи ресурстар министрі Е. Нысанбаевтың бірлескен бұйрығына сәйкес – “Төтенше жағдайға (табиғи өртке) ден қою кезінде уәкілетті органдар мен ұйымдарды басқару және олардың өзара іс-қимылы алгоритмін бекіту туралы” құжатына негізделе отырып ұйымдастырылды.
Іс-шара жоғары деңгейде өтіп, келесі ұйымдар мен мекемелердің белсенді қатысуымен жүзеге асты:
• “Тарбағатай” мемлекеттік ұлттық табиғи паркі Өрт сөндіру станциясының қызметкерлері;
• Үржар аудандық әкімдігі;
• Үржар ауданы Төтенше жағдайлар бөлімі;
• Аудандық полиция бөлімі;
• Бестерек ауылдық округі әкімдігі;
• “Мектеп жанындағы интернаты бар Мешітбай Хасенов атындағы Бестерек орта мектеп-бақшасы” КММ қызметкерлері.
Іс-шараның негізгі мақсаты:
• Өрт қаупі жоғары маусым алдында қоғамның ерекше қорғалатын табиғи аумақтарға деген жауапкершілікті көзқарасын қалыптастыру;
• Қоршаған ортаны қорғау ісіне қоғамды кеңінен тарту;
• Халықтың экологиялық сауаттылығын арттыру.
Міндеттер:
• Балалардың туған өлкесінің табиғатын сақтау жөніндегі қызығушылығын арттыру;
• Экологиялық мәдениетке тәрбиелеу;
• Өрт қауіпсіздігі және өрттің алдын алу шаралары жөнінде ақпараттандыру;
• Өрт туындаған жағдайда алғашқы әрекетке дайын болуға үйрету;
• Балалардың табиғатты қорғау саласына деген қызығушылығын арттыру, танымдық мотивацияны дамыту.
Іс-шара барысында балаларға орман өртінің пайда болу себептері, оның салдары мен алдын алу жолдары туралы ақпарат беріліп, арнайы практикалық жаттығулар көрсетілді. Мұндай іс-шаралар жас ұрпақтың табиғатқа жанашыр болуына, қоршаған ортаға деген жауапкершілігін арттыруға зор үлес қосады.
Орман қорғау инженері: Мұрат Малгельдинов
- Толығырақ
2025 жылғы 16 шілде күні сағат 10:00-де Ғылым, ақпарат және экологиялық мониторинг бөлімінің басшысы Б.Д. Садакованың қатысуымен өтетін бөлімнің қорытынды есебінің тікелей эфиріне қатысуға шақырамыз.
Қатысуларыңыз маңызды!
- Толығырақ
Қазақстан арқарын төлімен көру (қозықасымен) — сирек кездесетін көрініс, әрі экологиялық тұрғыдан маңызды құбылыс.
Арқарлардың төлдеу уақыты: сәуір–мамыр айларында.
Шілде айы – аналық арқардың төлімен жүретін кезі.
Бұл уақытта:
• Қозықа анасының қасында жүріп, жайылуға бейімделеді.
• Сүт ему біртіндеп азаяды, шөппен қоректенуге дағдыланады.
• Топпен жүруді, жыртқыштан қорғануды үйренеді.
Ғылым, ақпарат және экологиялық мониторинг бөлімі,
Мемлекеттік инспектор Ә.Көксегенов.
- Толығырақ
Фототұзаққа еліктің жаңа туған лағымен бірге жүрген сәті түсті! 🌿🦌
Анасы лағын алғаш рет тығылған жерінен ертіп шыққан. Бұл – табиғат ананың мейірімі мен жан-жануарлар үшін қауіпсіз, жайлы мекеннің белгісі. Экожүйе тепе-теңдігі сақталып, жануарлар еркін өсіп-өнуде.
Мұндай көріністер – біздің ортақ байлығымызды қорғаудың нәтижесі. 🙌
#клхжм
#ошждк
#ТарбағатайМҰТП
@qazaqormany
@oti_abai
- Толығырақ
2025 жылдың 4 шілде күні Тарбағатай мемлекеттік ұлттық табиғи паркінің қызметкерлері, Үржар ауданының полиция бөлімінің қызметкерлері және төтенше жағдайлар бөлімінің мамандарымен бірлесе отырып, өрт қауіпі жоғары маусымға байланысты халық арасында түсіндірме жұмыстарын жүргізді.
Жұмыс барысында шаруа қожалықтарына орман өртінің алдын алу шаралары түсіндірілді. Мамандар орман ішінде от жағуға, тұрмыстық қалдықтарды тастауға, рұқсат етілмеген жерлерде демалуға болмайтынын ескертті. Сонымен қатар, арнайы дайындалған жадынамалар мен брошюралар таратылып, қауіпсіздік ережелерін қадағалауды тапсырды.
Мұндай іс-шаралардың басты мақсаты – табиғатты өрттен қорғау, тұрғындардың экологиялық мәдениетін арттыру және орман өрттерінің алдын алу болып табылады.
- Толығырақ
• 🐍 Су жыланы улы емес, адамға қауіпсіз.
• Су маңында, әсіресе өзен жағасында су көздері маңайында тіршілік етеді.
• Негізгі қорегі — балықтар мен бақалар.
• Түсі сұр, қоңыр арқасында торлы (шахматты) өрнек болады.
• Жақсы жүзеді, су астында ұзақ уақыт бола алады.
Мемлекеттік инспектор А. Тастанбеков
Серкебаев Айдын Серікұлы
«Тарбағатай» мемлекетік ұлттық табиғи паркі» РММ директоры
"Тарбағатай" Ұлттық паркі. Сан. тазалау үшін ақы төлеу
"Тарбағатай" Ұлттық паркі. Көлікке арналған тұрақ ұсыну
